ශ්‍රී ලංකාවේ බලශක්ති ක්ෂේත්‍රයේ වර්ධනය සඳහා අමෙරිකාවේ සහාය හිමිකර දීමට එකඟත්වය පළ කර තිබෙනවා.
මෙරට අමෙරිකානු තානාපතිනි ජූලි ජේ. චංග් (Julie J. Chung) මහත්මිය අද (09) පෙරවරුවේ බලශක්ති අමාත්‍ය ඉංජිනේරු කුමාර ජයකොඩි මහතා හමු වූ අවස්ථාවේ දියි මේ බව ප්‍රකාශ කර සිටියේ.
නව රජයේ බලශක්ති අමාත්‍යවරයාට සුබ පැතුම් එක් කිරීමත් දෙරට අතර බලශක්ති ක්ෂේත්‍රයේ සහයෝගිතාව වර්ධනය කිරීමේ ක්‍රමවේද සාකච්ඡා කිරිමත් මෙම හමුවේ අරමුණ වුණා.
ශ්‍රී ලංකාවේ බලශක්ති ක්ෂේත්‍රයේ වර්ධනයට අවශ්‍ය තාක්ෂණික හා අනෙකුත් සහායන් ලබාදීමට අමෙරිකානු රජය කැමැත්තෙන් පසුවන බවත් ඉහළම ජනප්‍රසාදයකින් බලවත් ජනවරමක් ලබා ඇති නව රජය ලාංකීය ජනතා අභිලාසයන් ඉටු කරනු ඇතැයි දැඩි ලෙස අපේක්ෂා කරන බවත් ඒ සඳහා සිය රජයේ සහාය ලැබෙනු ඇති බවත් අමෙරිකානු තානාපතිතුමිය ප්‍රකාශ කළා.
ඔබේ ප්‍රතිචාරය කුමක්ද ?
+1
3
+1
+1
2
+1
+1
+1
+1
