වෙසක් සතියට සමගාමීව පොලොන්නරුව වැලිකන්ද ප්‍රාදේශීය ලේකම් කොට්ටාශයේ දුෂ්කර වෙහෙර විහාරස්ථානවල අතිදුෂ්කරව වැඩවාසය කරන භික්ෂූන් වහන්සේලා උදෙසා දානය පිළිගැන්වීමේ පිණ්ඩපාත චාරිකා පිංකමක් ඊයේ (04) වෙනිදා දහවල් වැලිකන්ද මහසෙන්පුර මහසෙන් රජමහා විහාරස්ථානයේදී සිදු කළ වන වාර්තාවෙනවා.
දිඹුලාගල ශාසනාරක්ෂක බල මණ්ඩලයේ නියෝජ්‍ය ලේඛකාධිකාරී මහසෙන්පුර මහසෙන් රාජමහා විහාරාධිපති අලුත්වැවේ සේනාලංකාර නායක ස්වාමීන් වහන්සේගේ අනුශාසනා පරිදි මෙම පිංකම සිදුකළ අතර මේ සඳහා ගම්මානයෙ පෙරපාසල්, පාසල්, තරුණ, බාල, මහළු සෑම සියලු දෙනාම එක්වී සිටීම විශේෂත්වයක් වි තිබෙනවා.
මෙවර මහ කන්නයේ වී වගාවෙන් ලබාගත් අලුත් සහල් වලින් ආහාර සකසා ගොවි ගෙවිලියන් විසින් පිළියෙල කරගත් දානය මහා සංඝරත්නය උදෙසා පූජා කළ අතර ප්‍රදේශයට ආවේනික පලතුරු, කැවිලි වර්ග, මෙන්ම දේශීය පෝෂදායි ආහාර මෙම මහ සඟරුවන වෙත පූජා කිරීමද මෙහිදී විශේෂත්වයකි.
අති දුෂ්කරව ශාසනික, ශාසනික, ජාතික, ආගමික මෙහෙවර සිදුකරන වැලිකන්ද ප්‍රාදේශීය ලේකම් කොට්ටාශයේ වෙහෙර විහාරස්ථාන වල වැඩවාසය කරන භික්ෂූන් වහන්සේලා උදෙසා පැවැති පළමු පිණ්ඩපාත පිංකම මේ වන බවද මෙය සංවිධානය කර දිඹුලාගල ශාසනාරක්ෂක බලමණ්ඩලයේ නියෝජ්‍ය ලේඛකාධිකාරී අලුත්වැවේ සේනාලංකාර නාහිමියන් සඳහන් කළ බව අප වාර්තාකරු පැවසුවා.
