විදුලි බිල යළි වැඩි කිරීම හැර විකල්පයක් නොමැති බව ජනපති කියයි

විදුලි බිල යළි වැඩි කිරීම හැර වෙනත් විකල්පයක් නොමැති බව ජනාධිපති රනිල් වික්‍රමසිංහ පවසනවා.

මුදල්, ආර්ථික ස්ථායිකරණ හා ජාතික ප්‍රතිපත්ති අමාත්‍යාංශයේ සහ ආයෝජන ප්‍රවර්ධන අමාත්‍යාංශයේ වැය ශීර්ෂය පිළිබඳ කාරක සභා අවස්ථා විවාදයට අද (08) පාර්ලිමේන්තුවේ දී එක්වෙමින් ජනාධිපතිවරයා මේ බව පැවසුවා.
.
විදුලි බිල වැඩි කිරීමට ඉඩ නොදෙන බව කියමින් මහජන උපයෝගීතා කොමිසමේ සභාපති ජනතාව නොමඟ යවන්නේ ඇයි දැයි නොදන්නා බව ජනාධිපතිවරයා මෙහිදී සඳහන් කර සිටියා.

සුඛෝපභෝගී සමාගම් කීපයක් ඇති ඔහු මෙම කතාව කියන්නේ විදුලි බිල වැඩි කළොත් ඔහුගේ වියදම වැඩිවන නිසා දැයි ජනාධිපතිවරයා ප්‍රශ්නකර සිටියා.

ජනාධිපතිවරයා එහිදී වැඩිදුරටත් කියා සිටියේ, 2013 වසරේ සිට මේ දක්වා රුපියල් බිලියන 300ක අලාභයක් විදුලිබල මණ්ඩලය ලබා ඇති බවයි.