ශ්රී ලංකාවේ පවතින දැඩි ආර්ථික අර්බුදය පිළිබඳව සහ එමඟින් ශ්රී ලංකාවේ ජනතාව වෙත එල්ල වී ඇති බලපෑම පිළිබඳව දැඩි කනස්සල්ලෙන් පසුවන බව ලෝක බැංකුව සඳහන් කරනවා.
එමෙන්ම ප්රමාණවත් සාර්ව ආර්ථික ප්රතිපත්ති රාමුවක් ක්රියාත්මක වන තුරු, ලෝක බැංකුව ශ්රී ලංකාවට නව මූල්ය පහසුකම් ලබාදීමට සැලසුම් නොකරන බව ලෝක බැංකුව වැඩිදුරටත් අවධාරණය කළා.
මෙරට ජනතාව වෙනුවෙන් තම සහයෝගයේ බලපෑම උපරිම කිරීම සඳහා ලෝක බැංකුව අනෙකුත් සංවර්ධන හවුල්කරුවන් සමඟ සමීපව සම්බන්ධීකරණ කටයුතු කරන බව ද ලෝක බැංකුව නිවේදනයක් ඔස්සේ සඳහන් කර සිටියා.
ඒ අනුව ආර්ථික ස්ථාවරත්වය කෙරෙහි අවධානය යොමු කිරීමට ගැඹුරු හා ව්යුහාත්මක ප්රතිසංස්කරණ අවශ්ය වන බව පෙන්වා දෙන ලෝක බැංකුව ශ්රී ලංකාවේ අනාගත ප්රකෘතියට සහ සංවර්ධනයට ඔරොත්තුදීමට නම් අර්බුදයේ මූලය ව්යුහාත්මකව ආමන්ත්රණය කිරීම අත්යවශ්ය ම දෙයක් බව දන්වා සිටිනවා.
