පන්දුවාර 20 කාන්තා ක්රිකට් ලෝක කුසලානයේ අවසන් පූර්ව වටයේ තරග අද (17) රාත්රියේ ආරම්භ වනවා.
මෙවර අවසන් පූර්ව වටයට A කාණ්ඩයෙන් සුදුසුකම් ලබා ඇත්තේ ඔස්ට්රෙලියානු කාන්තා කණ්ඩායම සහ නවසීලන්තයයි.
B කාණ්ඩයෙන් අවසන් පූර්ව වටයට බටහිර ඉන්දීය කොදෙව් ක්රීඩිකාවන් සහ දකුණු අප්රිකානු කණ්ඩායම සුදුසුකම් ලබා ගත්තා.
ඒ අනුව මෙම කණ්ඩායම 04න් අද දිනයේ දී අවසන් මහා තරගයට සුදුසුකම් ලබා ගැනීමේ පළමු කණ්ඩායම තෝරා ගැනීම සිදු කෙරෙන අතර එහි පළමු තරගය ලෙස ඔස්ට්රෙලියාවට එරෙහිව දකුණු අප්රිකාව තරග වදිනවා.
එම තරගය රාත්රී 7.30ට ඩුබායි හි දී ආරම්භ වනු ඇති.
හෙට (18) දෙවැනි අවසන් පූර්ව වටයේ තරගය පැවැත්වෙන අතර ඊට කොදෙව්වන් සහ නවසීලන්තය එක් වනු ඇති.
එම තරගය සාජා හි දී පැවැත්වෙනවා.
මෙම අවසන් පූර්ව වටයේ තරගවලින් ජය ගන්නා කණ්ඩායම් ද්විත්වය ඔක්තෝබර් මස 20 වැනි දින ඩුබායි හි දී රාත්රී 7.30ට පැවැත්වෙන 2024 පන්දුවාර 20 කාන්තා ක්රිකට් ලෝක කුසලානයේ අවසන් මහා තරගයට එක්වනු ඇති.
