ඉන්දීය ප්‍රිමියර් ලීග් තරගාවලියේ දිල්ලි කැපිටල්ස් කණ්ඩායමේ නායකත්වයෙන් රිෂාබ් පාන්ට් ඉවත්වීමේ තීරණයක් ගෙන ඇති බව තොරතුරු වාර්තා වනවා.
රිෂාබ් පාන්ට් 2025 ඉන්දීය ප්‍රිමියර් ලීග් තරගාවලියට පෙර නායකත්වයන් ඉවත්වන බවයි ඩයිනික් ජග්රන් පුවත්පත වාර්තා කරන්නේ.
එම පුවත් වාර්තාව කියා සිටියේ ක්‍රිකට් අධ්‍යක්ෂ සෞරව් ගංගුලිගේ සහාය නොතකා මෙගා වෙන්දේසියට පෙර දිල්ලි කැපිටල්ස් විසින් පාන්ට්ව රඳවා නොගත හැකි බවයි.
බොහෝ දුරට රිෂාබ් පාන්ට්ගේ මීළඟ නැවතුම චෙන්නායි සුපර් කිංග්ස් කණ්ඩායම වනු ඇති බවයි එම වාර්තාවේ වැඩිදුරටත් සඳහන් කරන්නේ.
මහේන්ද්‍ර සිං දෝනි නුදුරු අනාගතයේ දී විශ්‍රාම ගැනීමට නියමිතව ඇති බැවින් චෙන්නායි කණ්ඩායම කඩුලු රකින්න පිතිකරුවෙකු සම්බන්ධයෙන් විමසිල්ලෙන් සිටිනවා.
ඒ, අනුව ඔවුන් රිෂාබ් පාන්ට් වැනි දක්ෂ ඉන්දීය ක්‍රිකට් කණ්ඩායමේ තරුවක් සමඟ ගිවිසුම් අත්සන් කිරීමට අතිශයින් උනන්දු වනු ඇති බවට ද එම වාර්තාවේ සඳහන්.
