ගාල්ල, තෙලිකඩ පොලිස් වසමේ මාවඩවිල, අක්කර 13 ප්රදේශයේ දී අද (03) උදෑසන එකම පවුලේ තිදෙනෙකුට පුද්ගලයෙකු විසින් තියුණු ආයුධයකින් පහර දී තිබෙනවා.
මෙම පහරදීමෙන් දෙදෙනෙකු ජීවිතක්ෂයට පත්ව ඇති බවයි තොරතුරු වාර්තා වුණේ.
පහරදීමෙන් මෙලෙස ඝාතනයට ලක්ව ඇත්තේ එම පවුලේ මිත්තණිය සහ ඇගේ මිණිපිරියගේ ස්වාමිපුරුෂයා බවයි වාර්තා වන්නේ.
පහරදීමෙන් තුවාල ලබා රෝහල් ගතකර ඇත්තේ මිණිපිරියගේ දියණිය වන අතර, ඇයගේ එක් අතක් සිරුරෙන් වෙන්ව ඇති බවයි පොලිසිය සඳහන් කළේ.
ඇය මේ වන විට කරාපිටිය රෝහලේ දැඩිසත්කාර ඒකකයේ ප්රතිකාර ලබනවා.
මෙම අපරාධය සිදුකර ඇත්තේ මියගිය තැනැත්තියගේ අනෙක් දියණියගේ සැමියා බවයි වාර්තා වන්නේ.
එම දියණිය මේ වන විට විදෙස්ගතව සිටින බව පොලීසිය සඳහන් කළා.
අපරාධය සිදුකළ සැකකරු තෙලිකඩ පොලීසිය විසින් අත්අඩංගුවට ගෙන තිබෙනවා.
සැකකරු 35 හැවිරිදි උණවටුන, දලවැල්ල ප්රදේශයේ පදිංචිකරුවෙකුද වන අතර, ඔහු හිටපු හමුදා සෙබළෙකු බවයි වාර්තා වන්නේ.
පවුල් ආරවුලක් මුල් කරගනිමින් මෙම ඝාතන සිදුකර ඇති බව දැනට සිදුකළ විමර්ශනවල දී අනාවරණය වී තිබෙනවා.
