දරුණු රිය අනතුරකින් මියගිය සිය බිරිඳගේ මළ සිරුර යතුරුපැදියක බැඳ අධිවේගී මාර්ගයක ගමන් කළ පුද්ගලයෙක් පිළිබඳව පුවතක් ඉන්දීය මාධ්ය අද (11) වාර්තා කරනවා.
එම සිදුවීම දැක්වෙන වීඩියෝවක් සමාජ මාධ්යයේ සංසරණයවීමත් සමඟ මේ පිළිබඳව බොහෝ දෙනෙකුගේ අවදානය මේ වනවිට යොමුව තිබෙනවා.
ඉන්දියාවේ නාග්පූර්හි අධික වේගයෙන් ධාවනය වූ ට්රක් රථයකට කාන්තාව යටවී ඇති අතර, පසුව අයගේ සැමියා විසින් මළ සිරුර තුරුපැදියක බැඳ උදව් ඉල්ලා කෑගසමින් නාග්පූර්-ජබල්පූර් ජාතික අධිවේගී මාර්ගයේ යතුරුපැදිය ධාවනය කර ඇති බවයි තොරතුරු වාර්තා වුණේ.
අමිත් යාදව් ලෙස හඳුනාගෙන ඇති මෙම පුද්ගලයා 35 හැවිරිදි වියේ පසුවන අයෙක් බවයි වාර්තා වන්නේ.
පසුගිය 09 වනදා මෙම යුවළ නාග්පූර්හි ලොනාරා සිට මධ්ය ප්රදේශ්හි කරන්පූර් දක්වා යතුරුපැදියෙන් ගමන් කරමින් සිටියදී වේගයෙන් පැමිණි ට්රක් රථයක් යතුරුපැදියේ ගැටී තිබෙනවා.
එම අනතුරින් මාර්ගයේ වැටී කාන්තාව යටකරගෙන ට්රක් රථය පලා ගොස් ඇති බවයි වාර්තා වුණේ.
මෙහිදී කාන්තාවගේ සැමියා උදව් ඉල්ලා ඇති අතර, ඔහුට උදව් කිරීමට කිසිවෙක් ඉදිරිපත් නොවීම හේතුවෙන් ඔහු මෙලෙස
තම බිරිඳගේ සිරුර යතුරුපැදියේ බැඳ මධ්ය ප්රදේශ් හි ඔවුන්ගේ ගමට ගෙන යාම සඳහා කටයුතු කර ඇති බව සඳහන්.
එලෙස ගමන් කරන අවස්ථාවේ පොලිස් වෑන් රථයක් ඔහුගේ යතුරුපැදිය පසුපස ගොස් නතර කිරීමට කටයුතු කර ඇති අතර, පසුව ඔවුන් කාන්තාවගේ දේහය නාග්පූර්හි ඉන්දිරා ගාන්ධි වෛද්ය විද්යාලයට පශ්චාත් මරණ පරීක්ෂණයක් සඳහා යොමු කිරීමටයි කටයුතු කර ඇත්තේ.
සිද්ධිය සම්බන්ධයෙන් ප්රාන්ත පොලිසිය වැඩිදුර විමර්ශන සිදුකරනු ලබනවා.
