අද (29) පෙරවරුව වනවිට සහල් මෙට්‍රික්ටොන් 75,000ක් මෙරටට ආනයනය කර නිෂ්කාශනය අවසන් කර ඇති බව ශ්‍රී ලංකා රේගුව පවසනවා.
මෙම සහල් තොගයෙන් මෙට්‍රික්ටොන් 32,000ක් කැකුළු සහල් වන අතර, මෙට්‍රික්ටොන් 43,000ක් නාඩු සහල් බවයි රේගුව සඳහන් කළේ.
තව දුරටත් රේගුව වෙත යොමුකරන ආනයනික සහල් තොග විශේෂ ක්‍රමවේදයක් ක්‍රියාත්මක කර නිෂ්කාශනය කරන බවයි රේගු මාධ්‍ය ප්‍රකාශක අතිරේක රේගු අධ්‍යක්ෂ ජනරාල් සීවලී අරුක්ගොඩ පැවසුවේ.
රජය විසින් බලපත්‍ර නොමැතිව සහල් ආනයනය සඳහා ලබා දී තිබූ කාලසීමාව එළඹෙන ජනවාරි මස 10 වනදා දක්වා දීර්ඝ කිරීමට කටයුතු කළා.
රට තුළ පවතින සහල් හිඟය පිළියමක් ලෙස රජය විසින් පදුගිය 04 වනදා සිට සහල් ආනයනය සඳහා පෞද්ගලික අංශයට අවසර ලබා දුන්නා.
කෙසේ වෙතත් රජය විසින් ආනයනය කරන බව කියූ සහල් තොගය තවමත් දිවයිනට පැමිණ නැහැ.
එවන් තත්ත්වයක වෙළඳපොළේ කැකුළු සහල් සහ නාඩු සහල්වල තවමත් හිඟයක් පවතිනවා.
