“ද්විපාර්ශ්වික හවුල්කාරිත්වය තවදුරටත් ගැඹුරු කිරීමට සහ පුළුල් කිරීමට” ඉන්දියාව සහ වෙනිසියුලාව එකඟ වූ බව ඉන්දීය අග්රාමාත්ය නරේන්ද්ර මෝදි, පසුගිය සිකුරාදා (30) දකුණු ඇමරිකානු රටේ වැඩබලන ජනාධිපති ඩෙල්සි රොඩ්රිගස් සමඟ කතා කරමින් පැවසුවා.
“වෙනිසියුලාවේ වැඩබලන ජනාධිපතිනි ඩෙල්සි රොඩ්රිගස් මහත්මිය සමඟ කතා කළා. ඉදිරි වසරවලදී ඉන්දියාව-වෙනිසියුලාව සබඳතා නව උසකට ගෙන යාමේ පොදු දැක්මක් ඇතිව, සියලු ක්ෂේත්රවල අපගේ ද්විපාර්ශ්වික හවුල්කාරීත්වය තවදුරටත් ගැඹුරු කිරීමට සහ පුළුල් කිරීමට අපි එකඟ වුණා,” මෝදි X හි සටහනක් තැබුවා.
ඇමරිකානු හමුදා මෙහෙයුමකදී ජනාධිපති නිකොලස් මධුරෝ අල්ලා ගැනීමෙන් පසු මෙම මස මුලදී රොඩ්රිගස් අන්තර්වාර ජනාධිපති ලෙස බලයට පත් වුණා.
“වෙළඳාම සහ ආයෝජන, බලශක්තිය, ඩිජිටල් තාක්ෂණය, සෞඛ්ය, කෘෂිකර්මාන්තය සහ ජනතාව අතර සබඳතා” ඇතුළු ක්ෂේත්රවල හවුල්කාරිත්වය ගැඹුරු කිරීමට නායකයින් දෙදෙනා එකඟ වූ බව ඉන්දීය අග්රාමාත්ය කාර්යාලය නිකුත් කළ නිවේදනයක සඳහන් වුණා.
“නායකයින් දෙදෙනාම අන්යෝන්ය වශයෙන් උනන්දුවක් දක්වන විවිධ කලාපීය සහ ගෝලීය ගැටළු පිළිබඳව අදහස් හුවමාරු කරගත් අතර ගෝලීය දකුණ සඳහා ඔවුන්ගේ සමීප සහයෝගීතාවයේ වැදගත්කම අවධාරණය කළහ” යනුවෙන් එහි වැඩිදුරටත් සඳහන් වුණා.
ඉන්දියාව සහ වෙනිසියුලාව 2024 දී රාජ්ය තාන්ත්රික සබඳතා ස්ථාපිත කිරීමේ 65 වන සංවත්සරය සනිටුහන් කළා.
