දැයෙන් සමුගත් ප්රවීන නිළි මාලිනී ෆොන්සේකාගේ අවසන් කටයුතු වෙනුවෙන් පූර්ණ රාජ්ය ගෞරවයට වඩා වැඩි දෙයක් රජය විසින් සිදුකර ඇති බව කැබිනට් මාධ්ය ප්රකාශක අමාත්ය නලින්ද ජයතිස්ස පවසනවා.
අමාත්ය මණ්ඩල තීරණ දැනුම්දීමේ ප්රවෘත්ති සාකච්ඡාට අද (27) එක්වෙමින් අමාත්යවරයා මේ බව සඳහන් කළා.
මෙහිදී වැඩිදුරටත් අදහස් දක්වමින් අමාත්ය නලින්ද ජයතිස්ස පැවසුවේ පූර්ණ රාජ්ය අනුග්රහයකටත් වඩා රාජ්ය ගෞරවයක දී ලබා දියයුතු දී ද ඇතුළත් කරමින් මාලිනී ෆොන්සේකාගේ අවසන් කටයුතු සිදුකළ බවයි.
එමෙන්ම මාලිනී ෆොන්සේකාගේ පවුලේ ඥාතීන් සමඟ ද සාකච්ඡා කර ඔවුන්ගේ ද කැමැත්ත අකමැත්ත ඇතිව රජය මෙම තීරණය ගත් බවයි ඔහු වැඩිදුරටත් පැවසුවේ.
කෙසේ වෙතත් මාලිනී ෆොන්සේකාගේ අවසන් කටයුතු වෙනුවෙන් රජය ලබාදුන් අනුග්රහය වෙනුවෙන් ඇයගේ පවුලේ ඥාතීන් සෑහීමකට පත්වන බවත්, ඇයට ලබාදිය හැකි ඉහළම ගෞරවය ද රජය විසින් මේ වනවිට ලබාදී ඇති බවත් අමාත්යවරයා මෙහිදී සඳහන් කර සිටියා.
wpDiscuz
