ශ්රී ලංකා පොදුජන පෙරමුණේ නායකයා ලෙසට හිටපු ජනාධිපති මහින්ද රාජපක්ෂ යළි තේරී පත්වී තිබෙනවා.
පක්ෂයේ දෙවන මහා සම්මේලනය සුගතදාස ගෘහස්ථ ක්රීඩාංගණයේදී පැවැත්වෙන අතර එහිදීයි මෙම පත් කර ගැනීම සිදු කෙරුණේ.
පොදුජන පෙරමුණේ ජාතික මහ සම්මේලනයේ දී පාර්ලිමේන්තු මන්ත්රී ගාමිණි ලොකුගේ විසින් මහින්ද රාජපක්ෂගේ නම යෝජනා කළ අතර මන්ත්රී ජොන්ස්ටන් ප්රනාන්දු විසින් එය ස්ථීර කරනු ලැබුවා.
ඉන් අනතුරුව එම යෝජනාවට පක්ෂ මහා සම්මේලනයේ අනුමැතිය ඒකමතිකව ලැබුණේ සභාවේ සිටි පක්ෂ සාමාජිකයන්ගේ එකඟතාව මතයි.
මේ අතර ඉදිරි මැතිවරණවලදී ද ජයග්රහණය කරනු ලබන්නේ ශ්රී ලංකා පොදුජන පෙරමුණ බව එම පක්ෂයේ නිර්මාතෘ හිටපු පාර්ලිමේන්තු මන්ත්රී බැසිල් රාජපක්ෂ පවසනවා.
සුගතදාස ගෘහස්ථ ක්රීඩාංගණයේ පැවැත්වෙන පක්ෂ සම්මේලනයට එක්වෙමින් ඔහු කියාසිටියේ පක්ෂය ලබාගත් සියලු ජයග්රහණවල අයිතිය පාක්ෂිකයන් සතු බවයි.
මෙතෙක් අපරාජිතව මැතිවරණ ජයග්රහණය කළ ආකාරයෙන් ඉදිරි මැතිවරණ ද ජයග්රහණයට කටයුතු කළ යුතු බවයි බැසිල් රාජපක්ෂ සිය කථාව මගින් සඳහන් කළේ.
wpDiscuz
