පසුගිය 09 වනදා යාපනය ශික්ෂණ රෝහලට අනවසරයෙන් ඇතුළුවීමේ සිද්ධිය සම්බන්ධයෙන් පාර්ලිමේන්තු මන්ත්‍රී රාමනාදන් අර්චුනාට අද (16) යාපනය මහේස්ත්‍රාත් අධිකරණය විසින් ඇප නියමකර තිබෙනවා.
ඔහුට අමතරව මෙම සිද්ධිය සම්බන්ධයෙන් නීතිඥ කෞසල්‍යා යන අයට ද ඇප නියම කිරීමටයි අධිකරණය නියෝග කර ඇත්තේ.
පොලිස් බැඳුම්කරයක් ඔස්සේ අද දිනයේ අධිකරණය ඉදිරිපත් වූ මොවුන් දෙදෙනා රුපියල් ලක්ෂයක මුදල් ඇප මත නිදහස් කිරීමටයි අධිකරණය මෙලෙස නියෝග කළේ.
මේ අතර අවසරයකින් තොරව යාපනය ශික්ෂණ රෝහලේ භූමියට ඇතුල් නොවන ලෙසට ද මන්ත්‍රීවරයාට අධිකරණය විසින් අවවාද කරනු ලැබුවා.
මෙම නඩුව එළඹෙන පෙබරවාරි 07 වනදා යළි කැඳවීමටයි අධිකරණය නියෝග කළේ.
යාපනය ශික්ෂණ රෝහලේ අධ්‍යක්ෂ කලනිති ඩී සත්‍යමූර්ති විසින් මෙම නඩුව ගොනුකර තිබෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
