පනාමුර පොලිස් වසමේ කෝන්කටුව ප්රදේශයේ දී තියුණු ආයුධයකින් පහර දී ඊයේ (15) රාත්රියේ පුද්ගලයෙක් ඝාතනය කර තිබෙනවා.
39 හැවිරිදි වියේ පසුවූ පුද්ගලයෙක් මෙලෙස ඝාතනයට ලක්ව ඇති බවයි පනාමුර පොලිසිය සඳහන් කළේ.
ඝාතනයට ලක්වූ පුද්ගලයා සහ තවත් පුද්ගලයින් පස්දෙනෙකු සමඟ මත්පැන් පානය කර ඇති අතර, මත්පැන් පැකට්ටුවක් සම්බන්ධයන් ඇති වූ ආරවුලක් මත මෙම අපරාධය සිදුකර ඇති බවයි අනාවරණය වී ඇත්තේ.
තියුණු ආයුධ ප්රහාරයට ලක්වූ තැනැත්තා බරපතළ තත්ත්වයෙන් ඇඹිලිපිටිය රෝහලට ඇතුළත් කර ඇති බවයි වාර්තා වන්නේ.
එහි ප්රතිකාර ලබමින් සිටිය දී මෙම පුද්ගලයා ජීවිතක්ෂයට පත්ව ඇති බව පොලිසිය වැඩිදුරටත් සඳහන් කළා.
ඝාතනය සිදුකළ බව කියන ඇඹිලිපිටිය, පනාමුර ප්රදේශයේ පදිංචි 33 හැවිරිදි පුද්ගලයෙක් පොලිසියට පැමිණ භාරවීමෙන් පසු අත්අඩංගුවට ගෙන තිබෙනවා.
මෘත ශරීරය මේ වනවිට ඇඹිලිපිටිය රෝහලේ තැන්පත්කර ඇති අතර, සිද්ධිය සම්බන්ධයෙන් පොලිසිය වැඩිදුර විමර්ශන සිදුකරණු ලබනවා.
