මත්ද්රව්ය ජාවාරම් කිරීම සම්බන්ධයෙන් පානදුර කොට්ඨාස අපරාධ විමර්ශන ඒකකයේ රාජකාරි කරන කොස්තාපල්වරයෙක් අත්අඩංගුවට ගත් බව කළුතර අපරාධ කොට්ඨාසය පවසනවා .
පසුගිය 02 වැනිදා තෙබුවන ප්රදේශයේ දී මත්කුඩු සමග සැකකරුවන් දෙදෙනක් අත්අඩංගුවට ගෙන ඇති අතර, ඔවුන්ගෙන් ප්රශ්න කිරීමේදී ජාවාරමට පොලිස් නිළධාරියෙක් සම්බන්ධ බවට තොරතුරු හෙළිව ඇති බවයි අනාවරණය වී ඇත්තේ.
ඒ අනුව දුරකථන වාර්ථා විශ්ලේෂණය කිරීමේදී පානදුර කොට්ඨාස අපරාධ විමර්ශන ඒකකයේ කොස්තාපල්වරයෙක් ඒ සඳහා සම්බන්ධ බවට අනාවරණය වීමෙන් පසු මිරිහාන පොලිස් ඒකකයක පාඨමාලාවක් හදාරමින් සිටි සැකකාර කොස්තාපල්වරයා අත්අඩංගුවට ගෙන තිබෙනවා.
එකී ජාලයට තවත් සැකකරුවන් කිහිපදෙනෙක් සම්බන්ධ බවට තොරතුරු ලැබී ඇති බවත් , ඔවුන් සම්බන්ධයෙන් ද විමර්ශන ආරම්භ කර ඇති බවත් පොලිසිය පවසනවා .
අත්අඩංගුවට ගෙන ඇති සැකකාර කොස්තාපල්වරයා කළුතර ප්රදේශයේ ක්රියාත්මක මත්ද්රව්ය ජාලයක් සමග සම්බන්ධවී ජාවාරම් කරගෙන ගොස් ඇති බවට විමර්ශන වලදී අණාවරණය වී ඇති බව පොලිසිය වැඩිදුරටත් සඳහන් කළේ. .
සැකකාර කොස්තාපල්වරයා අධිකරණයට ඉදිරිපත් කර රැදවුම් නියෝග ලබාගෙන වැඩිදුරටත් විමර්ශන සිදුකිරීමට නියමිතයි.
