යාපනයේ දූපතක සිට 60 දෙනෙකු රැගෙන ගිය මගී යාත්‍රාවක් අනතුරකට ලක් ව තිබෙනවා.
අප වාර්තාකරු පැවසුවේ මෙම යාත්‍රාව අද (02) දහවල් කාලයේ හදිසියේ ම මහ මුහුදෙහි නැවතී ඇති බවයි.
යාපනය – නෙඩුන්තීවු දූපතේ සිට කූරිකඩ්ඩුවාන් ජැටිය දක්වා මෙම පිරිස පැමිණ තිබෙනවා.
යාත්‍රාවේ එන්ජිමේ ඇතු වූ කාර්මික දෝෂයක් හේතුවෙන් නතර වීමත් සමග මුහුදේ තිබූ රළු ස්වභාවයෙන් මගීන් පිරිස අතර දැඩි කලබලයක් ඇති ව තිබෙන බවයි පැවසෙන්නේ.
කෙසේවෙතත් අසල තිබූ ධීවර යාත්‍රාවකින් උදව් ඉල්ලා මොවුන් කෑගසා තිබෙනවා.
පසුව එම ධීවර යාත්‍රාව තම සීමාවේ සිටි සෙසු මිත්‍ර ධීවර යාත්‍රාවලින් ද උදව් ඉල්ලා ගනිමින් මෙම මගීන් පිරිස් ආරක්ෂිත ව අදාළ දෝෂයට ලක් වූ යාත්‍රාවෙන් මුදාගෙන ගොඩබිමට රැගෙනවිත් තිබෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
