බුදු දහම විකෘති කරන මධ්‍යස්ථාන 12ක් මේ වන විට මෙරට ක්‍රියාත්මක බව හෙළි ව තිබෙනවා.
මෙම ප්‍රකාශය පිළිබඳ ව අදහස් අනාවරණය වී ඇත්තේ; ජාතික උරුමයන් සුරැකීම උදෙසා ක්‍රියාත්මක වීම පිණිස වන පාර්ලිමේන්තු සංසදයේ දී යි.
භික්ෂූත්වයෙන් නෙරපූ තැනැත්තන් චීවරය දරා සිටීම තහනම් කිරීම සඳහා නීති හඳුන්වා දීම පිළිබඳවත් මෙහිදී සාකච්ඡා කර තිබෙනවා.
බුදු දහම මෙන්ම මෙරට ඉතිහාසය විකෘති කරන මධ්‍යස්ථාන 12ක් මේ වන විට මෙරට තුළ ක්‍රියාත්මක බව ජාතික උරුමයන් සුරැකීම උදෙසා ක්‍රියාත්මක වීම පිණිස වන පාර්ලිමේන්තු සංසදයේ දී සාකච්ඡා වූ අතර ධර්ම විකෘතිය සිදු කරන පුද්ගලයන් 85ක් ද මේ වනවිට අනාවරණය වී ඇතැයි මෙහිදී හෙළිදරවු වුණා.
ජාතික උරුමයන් සුරැකීම උදෙසා ක්‍රියාත්මක වීම පිණිස වන පාර්ලිමේන්තු සංසදය එහි සභාපති පාර්ලිමේන්තු මන්ත්‍රී ජයන්ත සමරවීරගේ ප්‍රධානත්වයෙන් පසුගියදා රැස්වූ අවස්ථාවේ දී මෙම කරුණු සාකච්ඡා වූයේ.
ඊට පූජ්‍ය හෑගොඩ විපස්සී සහ පූජ්‍ය මහාචාර්ය මාවතගම පේමානන්ද හිමිවරු ද නීතිඥ කල්‍යාණන්ද තිරානගම, නීතිඥ රාජා ගුණරත්න, මතුගම සෙනෙවිරුවන් සහ වෛද්‍ය වසන්ත බණ්ඩාර යන මහත්වරුන් ද මීට එක් ව සිටියා.
wpDiscuz
