නිතර බීමත්ව පැමිණෙන සිය පියාගෙන් සිදුවන හිරිහැර නිසා සිත් තැවුලටපත් 16 හැවිරිදි දියණියක් 20 වැනිදා දහවල් සිය පාසලේ දී යම් වස වර්ගයක් පානය කිරීම හේතුවෙන් රෝගාතුරව බදුල්ල මහ රෝහලට ඇතුළත් කෙරුණු බව පොලිසිය පවසයි.
හාලිඇල පොලිස් බල ප්රදේශයේ පදිංචි මෙම දැරිය හාලිඇල නගරාසන්නයේ පිහිටි ප්රසිද්ධ පාසලක අ.පො.ස. සාමාන්ය පෙළ පන්තියක ඉගෙනුම ලබයි.
20 වැනිදා දහවල් සිය යෙහෙළියක ද සමග විදුහල් පරිශ්රයේ ඇති ජල කරාමයක් අසලට ගිය ඇය තමන් නිවසින් රැුගෙන ආ වතුර බෝතලයෙන් කොටසක් එහිදී පානය කර ඇති අතර ඒත් සමගම රෝගාතුරව ඇත. පසුව පාසල් ගුරුවරුන් එක්ව වහාම දැරිය බදුල්ල මහ රෝහලට ඇතුළත් කිරීමට පියවර ගෙන ඇත.
බීමත්ව නිවසට පැමිණෙන සිය පියාගෙන් තමන්ට සහ තම මවට සිදුවන හිරිහැර නිසා ඇතිවූ සිත්තැවුලෙන් තමන් වස පානය කළ බවත් තේ වගාවට යොදන යම් විෂ රසායනික දියරයක් මෙසේ වතුර බෝතලයට දමාගෙන පැමිණ පානය කළ බවත් සිසුවිය පවසා ඇතැයි සඳහන් වෙයි.
හාලිඇල පොලිස් ස්ථානාධිපති පොලිස් පරීක්ෂක රුවන් ගුණතිලක මහතාගේ උපදෙස් මත හාලිඇල පොලිසිය සිද්ධිය සම්බන්ධයෙන් වැඩිදුර පරීක්ෂණ සිදුකරයි.
