පසුපසින් ආ මොටෝරියක් පදිකයෙකුගේ ඇඟේ ගැටීමෙන් ජීවිත හානියක්

හෝමාගම – මොරගහහේන මාර්ගයේ බෙරුකැටිය ඉන්ධන පිරවුම්හල අසල දී සිදු වූ රිය අනතුරකින් බරපතළ තුවාල ලැබූ පුද්ගලයෙකු ජීවිතක්ෂයට පත් ව තිබෙනවා.

දසත වාර්තාකරු පැවසුවේ මෙලෙස අනතුරට ලක් ව ඇත්තේ එම මාර්ගයේ පයින් ගමන් කරමින් සිටි පුද්ගලයෙකුගේ ඇඟෙහි පිටුපසින් ආ මෝටර් රථයක් ගැටීමෙන් බවයි.

මොරගහහේන බෙරුකැටිය ප්‍රදේශයේ ම පදිංචිකරු 61 හැවිරිදි පුද්ගලයෙකු මෙම අනතුරින් ජීවිතක්ෂයට පත් ව ඇති බව මීගොඩ පොලිසිය පවසනවා.

අනතුර සිදු කළ මෝටර් රථයේ රියදුරු අත්අඩංගුවට ගෙන ඇති අතර ඔහු අධිකරණයට ඉදිරිපත් කිරීමට නියමිතයි.