පාර දිගේ කියන ටෙලිනාට්‍ය මේ වන විට හැමෝම අතරේ ජනප්‍රිය ටෙලිනාට්‍යයක්. එහි ජූඩාගේ චරිතය නිරූපණය කරන ආකර්ෂණීය යොවුන් නළුවා හර්ෂ ඉඳුවර සූරියබණ්ඩාර යි. මොහු සද්ධාමංගල සූරියබණ්ඩාර මහතාගේ එකම පුතණුවන් වෙනවා. සංගීත අධ්‍යක්ෂකවරෙයකු ලෙසත් කටයුතු කරන හර්ෂ පසුගිය දවසක මාධ්‍ය හමුවකට එකතු වෙලා තිබුනා.
මගේ නම හර්ෂ ඉඳුවර සූරියබණ්ඩාර.. මගේ තත්තා තමයි සද්ධාමංගල සූරියබණ්ඩාර.. මම අධ්‍යාපනය හැදෑරුවේ කොළඹ ඉසිපතන විදුහලෙන්. වාණිජ අංශෙන් 2019 වසරේ උසස් පෙල විභාගය කලා. දැන් සංගීතය විෂයක් ලෙස හදාරන ගමන් රංගනයේ යෙදෙනවා. පාර දිගේ ටෙලිනාට්‍ය තමයි මගේ මුල්ම රංගනය.
ජූඩා කියන චරිතයට ලැබෙන ප්‍රතිචාර හොදයිද?
ඔව් ප්‍රතිචාර නම් ගොඩක් හොඳයි. නෑදෑ හිත මිතුරන්ගෙන් නම් හිතුවට වඩා ලොකු ප්‍රතිචාරයක් ලැබෙනවා.
ඔබ අධ්‍යාපන කටයුතුවලට සමුදීලා රංගනය තෝර ගන්න හිතුවෙ ඇයි?
පොඩිකාලේ ඉදලම මම වෙලද දැන්වීම් වල හිටියා. නමුත් රංගනය පැත්තට යොමු වෙනීනෙ පාසලෙන් ඉවත් උනාට පස්සෙ. මුලින්ම අග්නි පියාපත් ටෙලිනාට්‍යයට පසුබිම් සංගීතය සැපයුවා. පාර දිගේ ටෙලිනාට්‍යට සම්බන්ධ වෙන්න අවස්ථාව ලැබෙන්නෙ මගේ අප්පච්චි නිසා. ඒ නාට්‍යයේ මියුසික් කරන්නෙ මම. සංගීතය ඇරුනම සිනමා අධ්‍යක්ෂණයට තමයි මගේ කැමැත්ත තියෙන්නෙ. චිත්‍රපට අධ්‍යක්ෂක කෙනෙක් වෙන්න රඟපෑමෙන් ලැබෙන අත්දැකීම් ගොඩක් වැදගත් කියලා හිතනවා. අධ්‍යාපනය කියන දේ ඉතාම පැතිරුණු සංකල්පයක්. මගේ අදහස ඉදිරි අධ්‍යාපන කටයුතු සංගීතය සහ චිත්‍රපට කියන විෂය ක්ෂේත්‍රය ඔස්සේ හදාරන්න. ඒ දැනුම උපයෝගී කරගෙන චිත්‍රපටයක් කරලා සංගීත අධ්‍යක්ෂණයත් මා විසින්ම කරන්න තමයි මගේ බලාපොරොත්තුව..
