ශ්‍රී ලංකා දුම්රිය ස්ථානාධිපතිවරුන්ගේ වෘත්තීය සමිති ක්‍රියාමාර්ගය අවසන් වී තිබෙනවා.
ඊයේ (30) පස්වරු 4.30 සිට දිවයින පුරා පිහිටි දුම්රිය ස්ථාන භාර ස්ථානාධිපතිවරුන් සිය වෘත්තීය ක්‍රියාමාර්ගවලින් බැහැර වන බවයි එම සංගමයේ සභාපති සුමේධ සෝමරත්න මහතා ප්‍රකාශ කළේ.
දිගු කාලයක සිට දුම්රිය පරිපාලනය තුළ පවතින අර්බුද හේතුවෙන් ඊට කඩිනම් විසඳුම් ඉල්ලමින් දුම්රිය ස්ථානාධිපතිවරුන් මෙම වැඩ වර්ජනය ක්‍රියාත්මක කළා.
එය ඊයේ මධ්‍යම රාත්‍රියෙන් අවසන් කෙරුණු අතර; වෘත්තීය ක්‍රියාමාර්ගයට එළඹීමත් සමග දුම්රිය ප්‍රවේශ පත්‍ර නිකුත් නොකිරීම, ආසන වෙන් නොකිරීම සහ පාර්සල් ප්‍රවාහන කටයුතු ඇන හිටියා.
දුම්රිය ප්‍රවේශ පත්‍ර නිකුත් කිරීමට කිසිවෙකු නොසිටීම හේතුවෙන් මගී ජනයා දුම් රියෙහි මුදල් නොගෙවා යන ආකාරයයි දක්නට ලැබුණේ.
කෙසේවෙතත් ඊයේ මධ්‍යම රාත්‍රියෙන් අදාළ වැඩ වර්ජනය අවසන් බවත් සුපුරුදු ලෙස අද අලුයම සිට දුම්රිය ස්ථානවල ප්‍රවේශපත්‍ර නිකුත් කිරීමේ කටයුතු සිදු වූ බවත් මගීන් ප්‍රවේශ පත්‍ර ලබාගෙන දුම්රියේ ගමන් කරන ආකාරය දක්නට ලැබුණු බවත් දිවයින පුරා සිටින දසත ප්‍රාදේශීය වාර්තාකරුවන් පැවසුවා.
wpDiscuz
