පේරාදෙණිය විශ්ව විද්යාලය සහ ඉංජිනේරු පීඨය යා කරමින් මහවැලි ගඟ හරහා ස්ථාපිත කර ඇති අක්බාර් පාලමේ බැඳ තිබූ දැවැන්ත බඹර වද 32ක් ඉතාමත් ආරක්ෂිතව කපා ඉවත් කිරීමට මහනුවර බිඟු සම්පත සුරැකීමේ සංවිධානය පියවර ගෙන තිබෙනවා.
මිනිසෙකුට හෝ සතෙකුට පවා පහසුවෙන් ළඟා විය නොහැකි ආකාරයෙන් මහවැලි ගංගා මට්ටමේ සිට අඩි 150ක් පමණ ඉහළින් පාලමේ යට පෙදෙසේ මෙම බඹර වද බැඳ තිබූ බවයි අප වාර්තාකරුවන් සඳහන් කළේ.
බිඟු සම්පත සුරැකීමේ සංවිධානයේ සාමාජිකයන් ඉතාමත් ආරක්ෂාකාරීව තාක්ෂණය උපයෝගී කරගනිමින් දැඩි වෙහෙසක් දරා එම බඹර වද ඉවත් කිරීමට පියවර ගනු ලැබුවා.
පේරාදෙණිය විශ්ව විද්යාලයේ වාර්ෂික උපාධි ප්රදානෝත්සවය තවත් කෙටි කලකින් පැවැත්වීමට නියමිත අතර ඊට සරසවි සිසුන්, දෙමාපියන් ඇතුළු විශාල පිරිසක් එදිනට සරසවි භූමියට එක්රොක් වනවා.
ඉන් බහුතරයක් පිරිස් අක්බාර් පාලම හරහා තම ගමන් පහසුව සලසා ගන්නා අතර එම අවස්ථාවේ පාලම කම්පනය වීමෙන් එහි යට සිටින බඹරුන් ඇවිස්සී පහරදීම නිරන්තරයෙන් සිදු වී තිබෙනවා.
මේ හේතුවෙන් විශ්ව විද්යාල පාලනාධිකාරිය බිඟු සම්පත සුරැකීමේ සංවිධානයෙන් සිදු කළ ඉල්ලීමකට අනුව එම සංවිධානය විසින් වසර ගණනාවක සිට උපාධි ප්රදානෝත්සවයට පෙර මෙම බඹර වද ආරක්ෂිතව ඉවත් කිරීම සිදු කරනු ලබනවා.
එම සංවිධානයේ සභාපති සහ ප්රධාන තාක්ෂණික නිලධාරී මහින්ද විජේසිංහ හා ප්රධාන ලේකම් තිස්ස බණ්ඩාර තඹවිට ඇතුලු සාමාජිකයන් අදාළ ස්ථානය වෙත ගොස් එම බඹර කූඩු වෙත ළංවිය හැකි ආකාරයෙන් පලංචි සකස් කර බඹරුන්ට හානි නොවන පරිදි ඉතාමත් සූක්ෂමව මෙම බඹර වද ඉවත් කිරීම ඊයේ සහ අද දිනයේ සිදු කරනු ලබනවා.
මෙම බඹර වද මහවැලි ගං මට්ටමේ සිට අඩි 150ක් පමණ ඉහළින් බැඳ තිබූ බැවින් බිඟු සම්පත සුරැකීමේ සංවිධානයේ සාමාජිකයන් එම අවදානම තමා වෙත ගනිමින් ඉතාමත් අපහසුවෙන් අදාළ ස්ථාන කරා ළඟාවී කිසිවෙකුට හෝ අනතුරක් නොවන ආකාරයෙන් එම බඹර වද ඉවත් කර තිබෙනවා.
දැඩි අවදානමක් ගනිමින් වුවද ඉතාමත් සූක්ෂමව තාක්ෂණයට අනුව එම කටයුත්ත සිදු කළ බැවින් මෙම ක්රියාවලියේදී බඹරුන්ට මෙන්ම කිසිවෙකුට හෝ හානියක් සිදු වීමක් වාර්තා වන්නේ නැහැ.
මේ ආකාරයෙන් බිඟු සම්පත ආරක්ෂා නොකළහොත් ඉදිරියේදී ලොව පුරා දැවැන්ත ආහාර අර්බුදයක් උද්ගත විය හැකි බවයි එම සංවිධානයේ ප්රධාන ලේකම් තිස්ස බණ්ඩාර තඹවිට මහතා ප්රකාශ කළේ.
මෙහිදී අදහස් පළ කළ බිඟු සම්පත සුරැකීමේ සංවිධානයේ ප්රධාන තාක්ෂණ නිළධාරී මහින්ද විජේසිංහ කියා සිටියේ ඇතැම් පුද්ගලයන් මී මැසි, බඹර වද කපා පැණි ලබා ගන්නා අවස්ථාවේදි මෙම බිඟුන් ගින්දරින් පුච්චා විනාශ කර එම කටයුතුවල නිරත වන බවයි.
එලෙස බිඟු සම්පත විනාශ කිරීම ඉතාමත් භයානක කටයුත්තක් බව සඳහන් කළ ඒ මහතා කියා සිටියේ මෙවන් කටයුතු හේතුවෙන් මේ වන විට විශේෂයෙන් ශ්රී ලංකාවේ බිගු සම්පත සීග්ර අඩුවීමකට ලක් වෙමින් පවතින බවයි.
මෙම සතුන්ට හිංසාවක් පීඩාවක් නොකරන්නේ නම් උන් කිසිවිටෙක පහර නොදෙන බවද ඔහු පෙන්වා දෙනවා.
මෙම තත්ත්වය ඉතාමත් අනර්ථකාරී තත්ත්වයක් බවත් මෙම බිඟු සම්පත ලොවෙන් තුරන් වුවහොත් මිනිසාට ආහාර නොමැතිව බඩගින්නේ මිය යාමට සිදුවන බවත් සඳහන් කළ ඒ මහතා පෙන්වා දෙන්නේ ලොව බොහෝ රටවල් බිගු සම්පත ආරක්ෂා කිරීම සඳහා මේ වන විට විශේෂ ක්රියාමාර්ග ගෙන ඇති බවයි.
දිවයිනේ ඕනෑම ප්රදේශයක අනාරක්ෂිත ආකාරයෙන් පිහිටා ඇති මී මැසි, දෙබර, බඹර කූඩු ආරක්ෂිත ආකාරයෙන් කඩා ඉවත් කිරීමට තම සංවිධානය පියවර ගන්නා බව ද මහින්ද විජේසිංහ මහතා සඳහන් කළා.
