නව තාක්ෂණය උපයෝගී කර ගනිමින් වගා කළ අක්කරයක කොමඩු වගාවෙන් මාස දෙකකින් රුපියල් මිලියන 4ක ආදායමක් උපයා ගත් ගල්කුලම ප්‍රදේශයේ පදිංචි ගොවි මහතෙක් පිළිබඳ දසත news තුලින් අණාවරණ කළා.
ඊට ජනාධිපතිවරයාගේ අවධානය යොමු වීමත් සමඟ ඔහුට සහ අක්කර භාගයක තම මිරිස් වගාවෙන් රුපියල් මිලියන 12ක ආදායමක් උපයා ගත් තවත් ගොවි මහතෙකුට ජනාධිපති රනිල් වික්‍රමසිංහ හමුවීමට අවස්ථාව උදා වුණා.
නව තාක්ෂණය උපයෝගී කර ගනිමින් වගා කළ අක්කර භාගයක මිරිස් වගාවෙන් මාස නවයක් තුළදී රුපියල් මිලියන 12ක ආදායමක් උපයා ගැනීමට අනුරාධපුර තිරප්පනේ පුලියන්කුලම ප්‍රදේශයේ පදිංචි බන්දුල මුණසිංහ සමත් වුණා.
එමෙන්ම නව තාක්ෂණය උපයෝගී කර ගනිමින් වගා කළ අක්කරයක කොමඩු වගාවෙන් මාස දෙකකින් රුපියල් මිලියන 4ක ආදායමක් උපයාගැනීමටද ගල්කුලම ප්‍රදේශයේ පදිංචි බුද්ධික සුදර්ශන ගොවි මහතා ද සමත් වූ අතර අප ඒ පිළිබඳ මීට පෙර දසත news තුලින් රටට අනාවරණ කළා.
ඒ පිළිබඳ ජනාධිපතිවරයාගේ අවධානය යොමුවීමත් සමඟ මෙම ගොවි මහතුන් දෙදෙනාට ජනාධිපතිවරයා හමුවීමට අවස්ථාව උදා වුණා.
ඔවුන් ජනාධිපතිවරයා හමුවීමට පැමිණ තිබුණේ තම අස්වැන්නෙන් කොටසක්ද රැගෙන වීම විශේෂත්වයක්.
තමන්ට සරුසාර අස්වැන්නක් ලබා ගැනීමට මඟ පෙන්වමින්, රජයේ කෘෂිකර්ම නවීකරණ වැඩසටහන ක්‍රියාත්මක කිරීම සම්බන්ධයෙන් ඔවුන් එහිදී ජනාධිපතිවරයා වෙත සිය ස්තූතිය පළකළා.
රට තුළ කෘෂිකර්මාන්තයේ විප්ලවීය පරිවර්තනයක් ඇති කිරීමට රජය ගෙන යන වැඩපිළිවෙළේදී තරුණ ගොවීන්ට මහඟු ආදර්ශයක් බව ජනාධිපතිවරයා පෙන්වා දුන් අතර, ඔවුන්ගේ මෙහෙවර අගයමින් ජනාධිපතිවරයා විසින් සිහිවටන තිළිණ පිළිගැන්වීමට ජනාධිපතිවරයා කටයුතු කළා.
