සංචාරක ශ්‍රී ලංකා කණ්ඩායම සහ නවසීලන්තය අතර පැවැත්වෙන දෙවැනි පන්දුවාර 20 ක්‍රිකට් තරගයේ කාසියේ වාසිය ශ්‍රී ලංකා කණ්ඩායමට හිමි වුණා.
මවුන්ට් මවුන්ගනුයි හි දී පැවැත්වෙන මෙම තරගයේ කාසියේ වාසිය දිනූ නායක චරිත් අසලංක තීරණය කළේ පළමු ව පන්දු යැවීමටයි.
දෙරට අතර පැවති පළමු T20 තරගය සත්කාරක නවසීලන්ත කණ්ඩායම ජය ගත්තා.
ඒ ශ්‍රී ලංකා කණ්ඩායමට සිය ජයග්‍රහණය පෙනි පෙනී තිබියදියි.
ශ්‍රී ලංකා කණ්ඩායමේ මැදපෙළ පිතිකරණයේ යළිත් අසාර්ථකත්වය පෙන්නුම් කරමින් ඔවුන් නවසීලන්තය හමුවේ 08කින් පරාජය පත් වුණා.
මෙම තරගාවලිය T20 තරග 03කින් සමන්විතයි.
එබැවින් තරගාවලිය ජයග්‍රහණය ලැබීමට නම් නවසීලන්තය මෙම තරගය නියත වශයෙන් ම ජය ගත යුතු වන අතර ශ්‍රී ලංකා කණ්ඩායමට තරගාවලි ජයග්‍රහණය ගැන තවදුරටත් බලාපොරොත්තු තබා ගැනීමට නම් අද තරගයේ ජය වැදගත් වනු ඇති.
අද තරගයට එක්වන ශ්‍රී ලංකා කණ්ඩායමේ එක් වෙනසක් සිදු කර ඇති අතර පිතිකරු භානුක රාජපක්ෂ වෙනුවට අවිශ්ක ප්‍රනාන්දු ව කැඳවා තිබෙනවා.
