එංගලන්ත කණ්ඩායම සහ ශ්රී ලංකාව අතර තරග තුනකින් සමට්න්විත විස්සයි විස්ස තරගාවලියේ ඊයේ (03) නිමාවත් පත්වුණේ සංචාරක එංගලන්ත කණ්ඩායමට පූර්ණ තරගාවලි ජයක් හිමිකර දෙමින්.
ඊයේ පල්ලෙකැලේ ක්රීඩාංගනයේ දී පැවති තුන්වන විස්සයි විස්ස තරගයේ කාසිය ජය ගැනීමෙන් අනතුරුව පළමුවෙන් පන්දුවට පහර දුන් එංගලන්ත කණ්ඩායම නියමිත පන්දුවාර 20 අවසානයේ රැස්කර ගනු ලැබුවේ ලකුණු 128ක් පමණයි.
ඒ අනුව ලකුණු 129ක ඉලක්කයක් වෙනුවෙන් පිටියට පිවිසි ශ්රී ලංකා කණ්ඩායමට රැස්කර ගැනීමට හැකි වූයේ ලකුණු 116ක් පමණයි.
ඒ පන්දුවාර 19යි පන්දු 03කට මුහුණදෙමින් සියල්ලන් දැවී යාමෙන් අනතුරුවයි.
කෙසේ වෙතත් තරගය පරාජය වීමෙන් අනතුරුව අම්ධය්ව් වෙත අදහස් දැක්වීම සඳහා එක් වූ ශ්රී ලංකා වේග පන්දු යවන ක්රීඩක දුෂ්මන්ත චමීර කියා සිටියේ එළඹෙන ලෝක කුසලානය වෙනුවෙන් මානසික මට්ටම හොඳ තත්ත්වයක පවතින බවයි.
එමෙන්ම ඊයේ පැවති තරගයේ දී එංගලන්ත ඉනිමේ කඩුලු 05ක් දවා ගැනීමට තමාට හැකිවීම පිළිබද සතුටු වන බවත් ඔහු සඳහන් කර සිටියා.
