එංගලන්ත කණ්ඩායම සහ නෙදර්ලන්ත කණ්ඩායම අතර තරග තුනකින් සමන්විත එක්දින තරගාවලිය නෙදර්ලන්තයේ – ඇම්ස්ටල්වින් හිදී අද (17) ආරම්භ වුණා.
මෙම තරගයේ කාසිය වාසිය දිනූ නෙදර්ලන්ත පළමුව පන්දුවට පහරදීමට එංගලන්තයට ආරාධනා කළා.
ඒ, අනුව එංගලන්ත කණ්ඩායම මේ වනවිට කඩුලු 02ක් දැවී ලකුණු 274ක් රැස්කරගෙන සිටිනවා.
මේ අතර මෙම ජාත්‍යන්තර තරගයේ අපූරු ඡායාරූප කිහිපයක් අන්තර් ජාතික ක්‍රිකට් කවුන්සිලය විසින් මේ වනවිට සිය නිල ෆේස්බුක් පිටුවට එක්කර තිබෙනවා.
ඒ, තරගය අතර තුර නෙදර්ලන්ත කණ්ඩායමේ ක්‍රීඩකයින් දෙදෙනෙක් විසින් කැලයට ගිය පන්දුව සොයන අයුරු දැක්වෙන ඡායාරූප කිහිපයක්.
“පන්දු දඩයම” යන උදෘතය යටතේ මෙම ඡායාරූප ඔවුන් විසින් සිය ෆේස්බුක් පිටුවට එක්කර තිබුණා.
කෙසේ වෙතත් මෙම අපූරු ඡායාරූපවලට ක්‍රිකට් ලෝලීන් හරි විනෝද ජනක අදහස් එක්කර ඇති ආකාරය දැකගත හැකි වුණා.
අන්තර් ජාතික ක්‍රිකට් තරගයක සිදු වූ මෙම සිදුවීම, බොහෝ දෙනෙකු සිය කුඩා කළ ක්‍රිකට් ක්‍රීඩාවේ නිරතවන අවස්ථාවේ මුහුණ පෑ මෙම අත්දැකීම යළිත් වරක් මතක්කර දෙන සිදුවීමක් වුණා.
