ඉන්දීය වේග පන්දු යවන ක්‍රීඩක ජස්ප්‍රිත් බුම්රා මෙවර විස්සයි විස්ස ලෝක කුසලාන තරගාවලියට සහභාගී නොවන බව ඉන්දීය ක්‍රිකට් පාලක මණ්ඩලය ඊයේ (03) නිල වශයෙන් නිවේදනය කර තිබෙනවා.
පිට කොන්දේ ඇති වූ ආබාධයක් හේතුවන් ඔහුට මෙවර ලෝක කුසලාන තරගාවලියට එක්වීමේ අවස්ථාව අහිමිව යන බවයි එරට ක්‍රිකට් පාලක මණ්ඩලය දැනුම් දුන්නේ.
මීට සති දෙකකට පමණ පෙර ජාත්‍යන්තර මාධ්‍ය බුම්රාගේ මෙම පුවත වාර්තා කර තිබුණ ද ඉන්දීය ක්‍රිකට් පාලක මණ්ඩලය මෙතෙක් ඒ සම්බන්ධයෙන් නිල වශයෙන් තහවුරු කිරීමක් සිදුකර තිබුණේ නැහැ.
එවන් තත්ත්වයක ඉන්දීය ක්‍රිකට් පාලක මණ්ඩල සභාපති සෞරෝ ගංගුලි පසුගිය සතියේ ට්විටර් පණිවුඩයන් නිකුත් කරමින් පැවසුවේ බුම්රා තවමත් ලෝක කුසලානයට එක්වන ඉන්දීය සංචිතයෙන් ඉවත්කර නොමැති බවයි.
බුම්රාගේ පිට කොන්දේ ඇතිව ඇති ආබාධය හේතුවෙන් ඔහුට සති හයක පමණ කාලයක් ක්‍රිකට් ක්‍රීඩාවෙන් ඈත්ව සිටීමට සිදුවන බවයි වෛද්‍යවරුන් පවසා ඇත්තේ.
දකුණු අප්‍රිකාවට එරෙහි විස්සයි විස්ස තරගාවලිය ආරම්භයට පෙර පැවති පුහුණුවීම් අතර තුර බුම්රාගේ ආබාධය පිළිබඳ පළමුව දැනගන්නට ලැබුණා.
