ජනපති අනිද්දා ජර්මනියට

ජනාධිපති රනිල් වික්‍රමසිංහ නිල සංචාරයක් සඳහා අනිද්දා (26) රාත්‍රියේ ජර්මනිය බලා පිටත්ව යාමට නියමිතව තිබෙනවා.

ජර්මනියේ බර්ලින් ගෝලීය සංවාදය සඳහා සහභාගී වීමට ජනාධිපතිවරයා මෙලෙස ජර්මනිය බලා පිටත්ව යන බවයි ජනාධිපති මාධ්‍ය අංශය සඳහන් කළේ.

එහිදී ජනාධිපතිවරයා එම සමුළුව ඇමතීමට ද නියමිතව තිබෙනවා.

බර්ලින් ගෝලීය සංවාදය ලබන 28 සහ 29 යන දෙදින පැවැත්වීමට නියමිත අතර, වර්තමාන භූ දේශපාලන හා ආර්ථික අභියෝගවලට ගෝලීය වශයෙන් විසඳුම් සෙවීම මෙහි අරමුණ වී තිබෙනවා.

මේ අතර, කියුබානු සහ ඇමරිකානු සංචාර නිමා කරමින් ජනාධිපති රනිල් වික්‍රමසිංහ අද (24) පෙරවරුවේ දිවයිනට පැමිණියා.