මහ මැතිවරණ ජයග්රහණයෙන් පසු ජාතික ජන බලවේගය අද (15) පස්වරුවේ විශේෂ ප්රවෘත්ති සාකච්ඡාවක් කැඳවා තිබුණා.
ජනතා විමුක්ති පෙරමුණේ ප්රධාන ලේකම් ටිල්වින් සිල්වා විසින් මෙම මාධ්ය හමුව පැවැත් වූ අතර, එහිදී ඔහු සදහන් කළේ යල්පැන ගිය පැරණි දේශපාලනය මේ වනවිට අවසන් කර ඇති බවයි.
පවුල් පාලනය සහිත, මහජන මුදලින් යැපුණු , ප්රභූ ආධිපත්ය දේශපානය මේ වනවිට අවසන් බවයි ලේකම්වරයා මෙහිදී වැඩිදුරටත් සඳහන් කර සිටියේ.
මේ අතර ගතවූ දින පනහක පමණ කාලයේ ජාතික ජන බලවේගයේ භාවිතාව රටේ ජනතාව විසින් පිළිගත් බව ද ඔහු මෙහිදී පැවසුවා.
මෙතරම් ප්රමාණයක් ජනතාව ජාතික ජන බලවේගය කෙරෙහි තිබූ විශ්වාසයට ස්තූතිවන්ත වන බවත් එම විශ්වාසය ආරක්ෂා කරන බවත් ලේකම්වරයා මෙම මාධ්ය හමුවේ දී සඳහන් කර සිටියා.
එමෙන්ම ජනතාව විසින් ලබාදුන් තුනෙන් දෙකක අධික බලය ඉතා ප්රවේශමෙන් පරිහරණය කිරීමට දැඩි වගකීමක් ඇති බවත් ඔහු මෙහිදී සඳහන් කර සිටියා.
wpDiscuz
