අද (22) දිනයේ මෙන්ම ඉදිරි දින කිහිපය තුළදීත් ගෑස් නෞකා කිහිපයක්ම මෙරටට ළඟාවීමට නියමිත බැවින් ඉදිරියේදී හිඟයකින් තොරව වෙළෙඳපොළට ගෑස් නිකුත් කිරීමේ හැකියාවක් ඇතැයි පාරිභෝගික ආරක්ෂණ රාජ්ය අමාත්ය ලසන්ත අලගියවන්න මහතා පවසයි.
රාජ්ය අමාත්යවරයා මේ බව සඳහන් කළේ අද පෙරවරුවේ ලිට්රෝ සමාගමේ කෙරවලපිටිය පර්යන්තයේ නිරීක්ෂණ චාරිකාවක නිරතවීමෙන් අනතුරුව මාධ්ය වෙත අදහස් දක්වමිනි.
ඒ සම්බන්ධව වැඩි දුරටත් අදහස් දැක්වූ පාරිභෝගික ආරක්ෂණ රාජ්ය අමාත්ය ලසන්ත අලගියවන්න මහතා,
“අද ළඟාවූ නැවේ ගෑස් මෙට්රික් ටොන් 3,600ක් තිබෙනවා. එයින් ගෑස් සිලින්ඩර් 288,000ක් නිෂ්පාදනය කරන්න පුළුවන්. අද සිට ඉදිරියට ඒ නැව් ටික නියමිත පරිදි ගෙන්වා ගැනීමට කටයුතු කරනවා. පසුගිය පෙබරවාරි සහ මාර්තු මාසේ ලක්ෂ 12ක ගෑස් සිලින්ඩර හිඟයක් තිබුණා. ඇත්ත ඒකයි. විදිමත් පරිදි ඒ ඇනවුම් ළඟා වුණේ නෑ. දැන් එහෙම නෑ. ලිට්රෝ ගෑස් මිල වැඩි කිරීම ගැන තාම අවසාන තීරණයක් නෑ. ලෝක වෙළෙඳපොළේ ගෑස් මිලේ වැඩිවීමක් සහ ඩොලරයේ වැඩිවීමක් අද තියෙනවා.”
