ඇමරිකානු ප්‍රසිද්ධ රැප් ගායක කන්යේ වෙස්ට්ගේ බිරිඳවන ප්‍රසිද්ධ නිරූපිකා බියන්කා සෙන්සෝරි පිළිබඳව මේ වනවිට සමාජ මාධ්‍යයේ දැඩි කතාබහක් මතුව තිබෙනවා.
ඒ, ලොස් ඇන්ජලිස් හිදී ඊයේ (02) පැවති 2025 ග්‍රැමී සම්මාන උළෙලට පැමිණි සිටි ඇය ඇඳ සිටි ඇඳුම හේතුවෙන්.
තම සැමියාවන කන්යේ වෙස්ට් සමඟ සම්මාන උළෙලට පැමිණි ඇය රතු පලස මත දී ඇඳ සිටි විශාල කළු ලොම් කබාය හදිසියේම ඉවත් කර සම්පූර්ණයෙන්ම විනිවිද පෙනෙන, කලවා දක්වා දිග දුහුල් ඇඳුමක් ප්‍රදර්ශනය කර සිටියා.
බියන්කා ඇගේ ඇඳුමට, උස සපත්තු පැළඳ සිටි අතර කිසිදු ආභරණයක් පැළඳ සිටියේ නැහැ.
අනතුරුව ඇය ඇඳ සිටි එම දුහුල් ඇඳුමෙන් ඡායාරූප සඳහා පෙනී සිටි බවයි විදෙස් මාධ්‍ය වාර්තා කළේ.
කෙසේ වෙතත් රැප් ගායක කන්යේ වෙස්ට් සහ ඔහුගේ බිරිඳවන බියන්කා සෙන්සෝරි හට මෙවර ග්‍රැමී සම්මාන උළෙලට සඳහා ආරාධනා කර නොතිබූ බවයි වාර්තා වන්නේ.
අනාරාධිතව එහි පැමිණි ඔවුන්, තමන් කෙරෙහි ආකර්ෂණය දිනාගැනීම වෙනුවෙන් බියන්කා මෙලෙස තම නිරුවත පෙනෙන ඇඳුමෙන් සැරසී ඡායාරූප සඳහා පෙනී සිටි බවයි විදෙස් මාධ්‍ය වැඩිදුරටත් තොරතුරු වාර්තා කර තිබුණේ.
