කොළඹ වරායේ UTC අංගනය වෙත පැමිණි කන්ටේනරයක් තුළ තිබී පුද්ගල මළ සිරුරක් හමු වී තිබෙනවා.
කන්ටේනරයේ එන්ජින් කොටසේ තිබී මෙම මළ සිරුර හමු වී ඇති අතර, මෙලෙස හමුව ඇත්තේ අදාළ එම කන්ටේනරයේ සහායකයා ලෙස කටයුතු කළ පුද්ගලයාගේ මළ සිරුර බවයි වාර්තා වන්නේ.
මෙම පුද්ගලයා සිය සහෝදරයා සමඟ ඉකුත් සෙනසුරාදා භාණ්ඩ නිදහස් කර ගැනීම සඳහා පැමිණ ඔවුන්ගේ රථය ද අනෙකුත් කන්ටේනර සමඟ එක පෙළට නවතා තිබී ඇති අතර, සහෝදරයා පෙරේදා (01) නිවස කරා ගොස් ඇති බවයි වාර්තා වන්නේ.
එම ස්ථානයේ නවතා තිබූ කන්ටේනර් රථ 05ක් එම ස්ථානයෙන් භාණ්ඩ නිදහස් කරගැනීම සඳහා පිටව ගිය ද මෙම කන්ටේනර් රථය පමණක් එම ස්ථානයේම නවතා තැබීම සම්බන්ධයෙන් ආරක්ෂක නිලධාරියකු සොයා බැලීමේ දී මෙම පුද්ගලයා එහි තුළ මියගොස් සිටිය දී හමු වී තිබෙනවා.
අනතුරුව මළ සිරුර පොලිස් මෘත ශරීරාගාරය වෙත යොමු කිරීමටයි කටයුතු කර ඇත්තේ.
මෙලෙස මියගොස් ඇත්තේ අංගොඩ ප්‍රදේශයේ පදිංචි 57 හැවිරිදි වියේ පසු වූ අයෙක්.
