සුන් සරා.. සෝනියේ සුන් සරා.. වැනි අතිශය ජනප්‍රිය ගීත රැසක හිමිකරුවන ආනන්ද් සාමි පිළිබදව වර්ථමානයේ වැඩිවශයෙන් කතාබහට ලක්වන්නේ ඔහුගේ ගීත ගැන නොව ඔහු සියල්ලන් පුදුම කරමින් ඔහුගේ කිලෝ 220 ක පමණ වු අධික බර කිලෝ 65 කට පමණ අඩුකර ගැනීම සම්බන්ධවයි.
ප්‍රසිද්ධ උත්සවයකදී ආනන්ද් මාධ්‍යයට ආඩම්බරයෙන් පැවසුවේ “කිලෝ 220 සිට මම කිලෝ 155 ක් පමණ බර අඩු කර ගත්තා, ඒක ඔබේ ශරීරයෙන් පුද්ගලයන් දෙදෙනෙකු අයින් කළා වගෙයි ” යනුවෙනි. බොහෝ විට දැන් සිදු වන්නේ මිනිසුන්ට මාව හඳුනා ගැනීමට නොහැකි වීමයි. නමුත් මම එය කල බවට මට සතුටුයි. මේ තුලින් මට විශාල ශක්තියක් ලැබුනා.. යනුවෙන්ද ඔහු වැඩිදුරටත් පවසා ඇත.
බොහෝ දෙනෙක් මොහු ශල්‍යකර්මයක් මගින් බර අඩුකරගත් බවට පැවසුවත් ඔහු එය එකහෙලාම ප්‍රතික්ෂේප කරයි. ආනන්ද් වසා ගැටිති සඳහා ශල්‍යකර්මයකට භාජනය වූ අතර එය ඔහුගේ ගමනේ හැරවුම් ලක්ෂ්‍යය ද විය. ශල්‍යකර්මය සඳහා ඔහුට මාස තුනක් ඇඳ විවේකයෙන් සිටීමට සිදු විය. ඔහු අධික බරින් යුක්ත වූ නිසා, ඔහුගේ මාංශ පේශී වල ඇති අධික මේදය හේතුවෙන් හුස්ම ගැනීමේ අපහසුතා පවා ඇති වී ඇති අතර ඔහුගේ වෛද්‍යවරුන් පවසා තිබුනේ ඔහුගේ අතිරික්ත බර අඩුකරනොගතහොත් ඔහු ජීවත් වන්නේ තවත් මාස හයක් පමණක් බවයි. ඉන් පසු ඔහු බර අඩුකර ගැනීමට අධිෂ්ඨාන කරගෙන ඇත. මොහුගේ බර අඩු කරගැනීමේ මෙහෙයුමට පවුලේ අය සහ මිතුරන්ද විශාල සහයෝගයක් ලබා දී ඇත.
වහා පෝෂණවේදියෙකු හමුවී ඔහු කෑම පාලනයටත්, ව්‍යායාම වලටත් නිසි ලෙස පිවිසී ඇත. අධික බර අඩුකර ගැනීමේ ක්‍රියාවලිය ඇරඹීමට පෙර වසන් වරට ඔහු වඩාත් ප්‍රියකල චීස් කේක් වැනි පැණි රසැති ආහාර විශාල ප්‍රමාණයක් ආහාරයට ගත් බවද සදහන්.
ඔහු තම ව්‍යායාම ක්‍රියාවලිය ආරම්භ කිරීමට පෙර ඔහුගේ පෝෂණවේදියා විසින් යෝජනා කල පරිදි අඩු කාබ්ස් සහ අධික ප්‍රෝටීන් සහිත ආහාර වේලක් අනුගමනය කර ඇත. ඒ වන විට ආනන්ද් කොතරම් තරබාරුවීද යත් ඔහුට ඔහුගේ කකුල් නොපෙනේ. කිසිවක් ගැනීමට පහතට නැමීමට නොහැකි විය. කෙසේ වෙතත් ඔහුගේ ආසාව සහ කැපවීම නිසා මාස 16ක් වැනි කෙටි කාලයකදී කිලෝග්‍රෑම් 150ක් පමණ යුතු ඔහුගේ අධික බර ව්‍යායාම හා ආහාර පාලනය මගින් පමණක් අඩුකර ගැනීමට ඔහු සමත් විය.
” උත්සහය හා කැපවීම තිබෙනවනම් මම තරම් බර නැති ඔබටත් අනවශ්‍ය කෑම බීම පාලනය මගින් උනත් සැහැල්ලු සිරුරකට හිමිකම් කියන්න පුලුවන්. අධික පැනිරසට, කාබෝහයිඩ්රේට් අඩංගු කෑමට සමුදෙන්න එය ඔබේ ගමන ඉක්මන් කරාවි.. “
