සාමදාන විනිශ්චයකාර්ය සේවය විදිමත් සහ ප්රමිතිගත කිරීමේ අරමුණින් එම තනතුර සඳහා ඉල්ලුම්කරනු ලබන ඉල්ලුම්කරුවන් සුදුසුකම් කිහිපයක් සපුරාලිය යුතු බව අධිකරණ අමාත්ය හර්ෂණ නානායක්කාර පවසනවා.
ඒ, අනුව අධ්යාපන සුදුසුකම් ලෙස අයදුම්කරුවෙක් අපොස සාමාන්ය පෙළ විභාගය එක්වරක දී විෂයන් හයක් සමත්වී තිබිය යුතු අතර, මබ් භාෂාව සහ තවත් එක් විෂයක් සඳහා සම්මාන සාමාර්ථයක් ලබා තිබීම අනිවාර්ය බවයි අමාත්යවරයා පවසන්නේ.
එමෙන්ම ඉංග්රීසි භාෂාවෙන් ලේඛන සකසන්නේ නම්, අදාළ අයදුම්කරුට වෙනත් විෂයකට අමතරව ඉංග්රීසි භාෂාව ද සමත්ව ඇති විෂයන් හය අතර තිබිය යුතු වනවා.
මුලු දිවයින සඳහාම සාමදාන විනිශ්චයකාර්ය පත්වීම් ලබාදීමේ දී පත්වීම් ලබා ඇති සාමදාන විනිශ්චයකාර්ය තනතුරේ වසර පහක සේවා කාලයක් සහිත්විම සහ අධ්යාපන සුදුකම් ලෙස අපොස උසස්පෙළ විභාගය අවම වශයෙන් එක විෂයක් හෝ සමත්ව තිබීම අනිවාර්ය බව ද අමාත්යවරයා පැවසුවා.
ඊට අමතරව අයදුම්කරු වයස අවුරුදු 30 සම්පූර්ණ කර තිබීම සහ ඔහු වයස අවුරුදු 75ට නොවැඩි විය යුතු වීමද සුදුසුකමක් වනවා.
එමෙන්ම පත්වීම් ලබාදීමේ දී යහපත් මානසික සහ කායික තත්ත්වයකින් යුතු පුද්ගලයෙක් බවට තහවුරු කිරීමට රජයේ ලියාපදිංචි වෛද්යවරක් විසින් නිකුත් කළ වෛද්ය වාර්තාවක් ද ඉදිරිපත් කළ යුතුයි.
අපරාධ චෝදනාවක් සහ අධිකරණයෙන් දඬුවම් නොලැබූ අයෙක්වීමද සපුරාලිය යුතු තවත් සුදුසුකමක් වනවා.
මේ අතර අමාත්යවරයා සඳහන් කළේ සාමදාන විනිශ්චයකාර්යවරයෙකුගේ යම් යම් ක්රියාකලාපයන් පිළිබඳව මහජනතාවට ඇතිවන ගැටළු හෝ පැමිණිලි ලිඛිතව වාර්තා කිරීමට වට්ස්ඇප් අංකයක් සහ ඊමේල් ලිපිනයක් හඳුන්වා දීමට කටයුතු කරමින් පසුවන බවයි.
එමෙන්ම අධිකරණ අමාත්යංශයේ ප්රතිසංස්කරණ අංශයට ලිපියක් මඟින් දැනුම්දීමට ද හැකි බවයි අද (06) පාර්ලිමේන්තුවේ දී පැනයකට පිළිතුරු ලබා දෙමින් පැවසුවේ.
wpDiscuz
