යම් පිරිසක් නිවසට පැමිණ කඩුවකින් පහරදීමෙන් බරපතල තුවාල ලැබූ 23 හැවිරිදි පුද්ගලයෙක් අද අලුයම ප්රතිකාර සඳහා කරාපිටිය ශික්ෂණ රෝහලට ඇතුලත් කිරීමේදී මියගිය බව වඳුරඹ පොලීසිය කියයි.
මෙසේ මියගොස් ඇත්තේ වඳුරඹ,ඉහළ කීඹිය, විවරුගොඩ පදිංචිව සිටි ගම ආරච්චිගේ සසී මධුශංක නැමැති එක්දරු පියෙකි.
මෙම මිනීමැරුම සම්බන්ධයෙන් සිව්දෙනෙක් පිලිබඳ සැකකරනු ලබන අතර ඔවුන් මේ වනවිට ප්රදේශයෙන් පලාගොස් ඇති බව පවසන පොලීසිය ඔවුන් අත් අඩංගුවට ගැනීම සඳහා පරික්ෂණ ආරම්භ කර තිබේ. කාලයක් තිස්සේ පැවති ආරවුලක් මත මෙම ඝාතනය සිදුකර තිබෙන බවට පොලීසිය සැකකරයි.
මෙම ඝාතනයට සම්බන්ධ මහෙස්ත්රාත් පරික්ෂණය අද (25) සිදුකිරීමට නියමිතව තිබේ.මියගිය අයගේ සිරුර පශ්චාත් මරණ පරික්ෂණය සඳහා කරාපිටිය ශික්ෂණ රෝහලේ මෘත ශරිරාගාරයේ මේ වනවිට තබා තිබේ.
වඳුරඹ පොලීසිය මෙම සිද්ධිය සම්බන්ධයෙන් වැඩිදුර පරික්ෂණ කටයුතු සිදුකරයි.
