පසුගිය වසරට සාපේක්ෂව මෙම වසරේ දී මාර්ග අනතුරු 20% ත් 30%ත් අතර ප්රමාණයකින් අඩු කිරීමට කටයුතු කිරීම පොලිසියේ අපේක්ෂාව බව රථවාහන පාලන හා මාර්ග ආරක්ෂාව භාර නියෝජ්ය පොලිස්පති ඩබ්ලිව්.පී.ජේ. සේනාධීර පවසනවා.
ඒ, අනුව විනීතව සහ නීතිගරුකව රිය පදවන ලෙස රියදුරන්ගෙන් ඉල්ලා සිටින බවයි නියෝජ්ය පොලිස්පතිවරයා සඳහන් කළේ.
මේ අතර මෙම වසරේ ඊයේ (08) දිනය දක්වා කාලය තුළ මෙරට තුළ මාරක අනතුරු 457ක් සිදුව ඇති බවයි ඔහු පැවසුවේ.
එම අනතුරුවලින් පුද්ගලයින් 475 දෙනෙක් මියගොස් ඇති බව නියෝජ්ය පොලිස්පතිවරයා අවධාරණය කළා.
එමෙන්ම බරපතළ අනතුරු 983ක් මෙම වසරේ ඊයේ (08) දිනය දක්වා කාලය තුළ සිදුව ඇති බවත්, සුළු අනතුරු 1942ක් සිදුව ඇති බවයි ඔහු වැඩිදුරටත් සඳහන් කළේ.
පසුගිය වසරේ මේ දක්වා කාලය තුළ සිදුවූ මාරක රිය අනතුරු සංඛ්යාවට වඩා, මෙම වසරේ මේ දක්වා කාලය තුළ මාරක රිය අනතුරු 50ක වැඩිවීමක් දැකගත හැකි බවයි ඔහු පැවසුවේ.
එමෙන්ම මාරක රිය අනතුරුවලින් සිදුව ඇති මරණ සංඛ්යාව ද 56ක වැඩිවීමක් පවතින බව නියෝජ්ය පොලිස්පතිවරයා සඳහන් කර සිටියා.
