ආසියානු සංවර්ධන බැංකුවේ ආරාධනයකට අනුව අග්රාමාත්ය ආචාර්ය හරිනි අමරසූරිය ඊයේ (08) රාත්රියේ පිලිපීනයේ මැනිලා නුවර නිල සංචාරයක් සඳහා පිටත්ව ගියා.
මැනිලා හි නිනෝයි අකිනෝ ජාත්යන්තර ගුවන්තොටුපළට පැමිණි අග්රාමාත්යවරිය පිලිපීනයේ ශ්රී ලංකා තානාපති ආචාර්ය චානක තල්පහේවා ඇතුළු පිලිපීන රජයේ නිලධාරීන් සහ ආසියානු සංවර්ධන බැංකුවේ නියෝජිතයින් විසින් පිළිගනු ලැබුවා.
මෙම සංචාරය අතරතුර, අග්රාමාත්යවරිය මැනිලා හි ආසියානු සංවර්ධන බැංකු මූලස්ථානයේ පැවැත්වෙන ජාත්යන්තර කාන්තා දින උත්සවයේ ප්රධාන දේශනය පැවැත්වීමට නියමිතයි.
ඊට අමතරව මෙම නිල සංචාරයේ දී ඇය ජාත්යන්තර කාන්තා දිනයට සමගාමීව පැවැත්වෙන වැඩසටහන් සඳහා සහභාගී වීමට නියමිතව තිබෙනවා.
කාන්තා දින සැමරුමට සමගාමීව, ශ්රී ලංකාව සහ පිලිපීනය අතර අන්යෝන්ය උනන්දුවක් දක්වන ක්ෂේත්ර හරහා සහයෝගීතාව සහ ද්විපාර්ශ්වික සබඳතා තවදුරටත් ශක්තිමත් කිරීම සඳහා පිලිපීන රජයේ අමාත්යවරුන් කිහිප දෙනෙකු සමඟ ද ද්විපාර්ශ්වික සාකච්ඡා පැවැත්වීමට නියමිතයි.
කොන්ඩේ පීරගන පිළිවෙලට යන්න හොදේ