ඕනෑම අවස්ථාවකට ඇතිවිය හැකි අභියෝගයන්ට සාර්ථකව මුහුණ දීමට සඳහා රට තුළ ආරක්ෂාව සහ සාමය පවත්වා ගත යුතු බව ආරක්ෂක නියෝජ්‍ය අමාත්‍ය විශ්‍රාමික මේජර් ජෙනරල් අරුණ ජයසේකර පවසනවා.
දියතලාව ශ්‍රී ලංකා යුද්ධ හමුදා විද්‍යාපීඨයේ අධිකාරි ලත් නිලධාරින් විසිරයාමේ පෙළපාලියට පසුගිය දා (21) එක්වෙමින් නියෝජ්‍ය අමාත්‍යවරයා මේ බව සඳහන් කළා.
ජාතිය ගොඩනැගීමේ දී අභියෝගවලට මෙන්ම ඉදිරියේදී ඇතිවිය හැකි ගෝලීය තර්ජනයන්ට මුහුණ දීම සදහා හමුදා නිලධාරීන් සතුවිය යුතු සූදානම පිළිබඳව ද මෙහිදී නියෝජ්‍ය ආරක්ෂක අමාත්‍යවරයා පැහැදිලි කර සිටියා.
ආරක්ෂක අංශවල කැපවිම, නොසැලෙන අධිෂ්ඨානය, නායකත්ව ගුණාංග සහ ස්වයං විනය ඉදිරි වසරවල දී ජාතියේ ප්‍රතිෂ්ඨාපනය සහ ප්‍රගතිය සඳහා අත්‍යවශ්‍ය වනු ඇති බවයි ඔහු වැඩිදුරටත් සඳහන් කර සිටියේ.
එම අවස්ථාවට ආරක්ෂක ලේකම් විශ්‍රාමික එයාර් වයිස් මාර්ෂල් සම්පත් තුයියකොන්තා, යුධ හමුදාපති ලු‍තිනන් ජෙනරල් විකුම් ලියනගේ ඇතුළු නිලධාරීන් පිරිසක් එක්ව සිටියා.
