හෙරොයින් මත්කුඩු සන්තකයේ තබා ගැනීම සහ ජාවාරම් කිරීමේ චෝදනාවට වරදකරු කෙරුණු ඉරාන හා පාකිස්තානු ජාතික විත්තිකරුවන් හත් දෙනෙකුට කොළඹ මහාධිකරණය විසින් ජීවිතාන්තය දක්වා සිර දඬුවම් නියම කළා.
කොළඹ මහාධිකරණ විනිසුරු ආදිත්ය පටබැඳිගේ විසිනුයි එම නඩු තීන්දුව ලබා දුන්නේ.
2022 වසරේ ශ්රී ලංකා මුහුදු සීමාවට අයත් ජාත්යන්තර මුහුදේ දී නාවික හමුදාව විසින් හෙරොයින් කිලෝග්රෑම් 123 ක් සන්තකයේ තබාගෙන සිටිය දී මෙම විත්තිකරුවන් පිරිස අත්අඩංගුවට ගත්තා.
ඉන් අනතුරුව නීතිපතිවරයා විසින් ඔවුන්ට එරෙහි ව කොළඹ මහාධිකරණය හමුවේ අධි චෝදනා ගොනු කර තිබුණා.
මෙම නඩුව අද (14) කැඳවූ අවස්ථාවේ දී විත්තිකරුවන් එම චෝදනාවලට වරද පිළිගන්නා බව ප්රකාශ කළා.
ඒ අනුව විනිසුරුවරයා විසින් ඔවුන්ට ජීවිතාන්තය දක්වා සිර දඬුවම් නියම කළා.
විත්තිකරුවන් කළ ඉල්ලීම පිළිගත් මහාධිකරණ විනිසුරුවරයා විත්තිකරුවන්ව ඔවුන්ගේ මව් රටට පිටුවහල් කිරීමට පියවර ගන්නා ලෙසත් නියෝග කර සිටියා.
wpDiscuz
