Empty Ad
AFC Banner
Empty Ad

ඇන්ජි සහ දසුන්ගේ ගිනිකෙළි සංදර්ශනයෙන් ෆැල්කන්ස් පිළට සුපිරි ජයක්

ලංකා ප්‍රිමියර් ලීග් තරගාවලියේ පස්වන අදියර අරඹමින් පළමු තරගය පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ දී ඊයේ (01) පැවැත් වුණා.

කැන්ඩි ෆැල්කන්ස් කණ්ඩායම සහ දඹුල්ල සික්සස් කණ්ඩායම අතර පැවති මෙම තරගයෙන් විශිෂ්ට ජයග්‍රහණයක් වාර්තා කිරීමට කැන්ඩි කණ්ඩායමට හැකියාව ලැබුණා.

දඹුල්ල සික්සස් කණ්ඩායම පරාජය කරමින් කැන්ඩි කණ්ඩායම මෙම තරගය ජයග්‍රහණය කළේ කඩුලු 06කින්.

මෙම තරගයේ කාසිය වාසිය දිනූ කැන්ඩි ෆැල්කන්ස් නායක වනිඳු හසරංගගේ ආරාධනයෙන් පළමුව පන්දුවට පහර දුන් දඹුල්ල සික්සස් කණ්ඩායම නියමිත පන්දුවාර 20 තුළ කඩුලු 04 දැවී 179ක ලකුණු පුවරුවක් නිර්මාණය කළා.

පන්දුවාර පහක් අවසානයේ මුල්පෙළ කඩුලු 04ක් දැවී ඉතා අසීරු තත්ත්වයක සිටි දඹුල්ල සික්සස් ඉනිම සවිමත් කරන්නට නවසීලන්ත ක්‍රීඩක මාර්ක් චැප්මන් සමඟ පිටියේ එක් වූ 21 හැවිරිදි ක්‍රීඩක චමිඳු වික්‍රමසිංහට හැකියාව ලැබුණා.

එහිදී මාර්ක් චැප්මන් වේගවත් ලකුණු 91ක් පන්දු 61ක් තුළ රැස්කළ අතර, චමිඳු වික්‍රමසිංහ පන්දු 42කට මුහුණ දෙමින් ලකුණු 62ක් රැස්කරමින් දඹුල්ල සික්සස් ඉනිම ගොඩනැඟීමේ ප්‍රධාන දායකයින් දෙදෙනා වුණා.

පන්දු යැවීමේ දී අගනා පන්දු යැවීමක නිරත වූ දසුන් ශානක සිය පන්දුවාර 04 අවසන් කළේ ලකුණු විස්සකට කඩුලු 04ක් බිඳ දමමින්.

අනතුරුව ලකුණු 180ක දැවැන්ත ඉලක්කය හඹා යෑමට කැන්ඩි ෆැල්කන්ස් ආරම්භක පිතිකරුවන් යුගළය පිටියට පිවිසි අතර එහිදී ෆැල්කන්ස් ඉනිමේ පළමු පන්දුවාරයේදීම ඇන්ඩරි ෆ්ලෙචර් දවා ගන්නට නුවන් තුෂාරට හැකියාව ලැබුණා.

කෙසේ වෙතත් අනෙත් අන්තයේ සිට ෆැල්කන්ස් පිළිතුරු ඉනිම ගොඩනැඟීම ආරම්භ කළ දිනේෂ් චන්දිමාල් පන්දු 40ක් තුළ ලකුණු 65ක් රැස්කරමින් ජයග්‍රහණයේ මාවත සකසා දුන්නා.

චන්දිමාල් සමඟ එක්ව ෆැල්කන්ස් ඉනිම ගොඩනැඟීමට කමිඳු මෙන්ඩිස් ලකුණු 27ක දායකත්වයක් ලබාදුන් අතර, අනතුරුව පිටියේ එක් වූ ඇන්ජලෝ මැතිව්ස් සහ දසුන් ශානක පල්ලෙකැලේ පිටියේ ගිනිකෙළි සංදර්ශනයක් පැවැත් වූයේ දඹුල්ල සික්සස් පන්දු රකින්නන් නරඹන්නන් බවට පත් කරමින්.

එහිදී මැතිව්ස් පන්දු 20ක් තුළ ලකුණු 37ක් රැස්කළ අතර, ඔහුට නොදෙවැනි ඉනිමක් දියත් කළ දසුන් ශානක පන්දු 15ක් තුළ වේගවත් ලකුණු 46ක් රැස් කළා.

දසුන්ගේ මෙම වේගවත් ඉනිමට දැවැන්ත හයේ පහර 05ක් සහ හතරේ පහර 03ක් ඇතුළත්.

ඒ,අනුව පන්දුවාර 17යි පන්දු 02ක් තුළ කඩුලු 04ක් පමණක් දැවී අදාළ ඉලක්කය පසුකර යමින් කැන්ඩි ක්‍රීඩකයින් මෙම තරගය ජයග්‍රහණය කළා.

පිත්තෙන් සහ පන්දුවෙන් එකලෙස දස්කම් පෑ දසුන් ශානක තරගයේ වීරයා බවට පත් වුණා.

ඔබේ ප්‍රතිචාරය කුමක්ද ?
+1
1
+1
0
+1
7
+1
3
+1
2
+1
2
+1
5
Subscribe
Notify of
0 Comments
Oldest
Newest Most Voted
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
වැස්සත් අරගෙනම නාමල් සෙන්කඩගල නුවරට
Video thumbnail
මාලිගාවත්තට ගිහින් සජිත් කතා කරද්දී සජිත්ගේ පිටියට ආපු ප්‍රබලයා
20:00
Video thumbnail
පන්නල බලය අල්ලන්න පුටුවෙන් එන තරුණයාගේ කතාව
29:34
Video thumbnail
බටලන්දේ ඇසින් දුටු සාක්ෂියක් CIDයට එයි
08:18
Video thumbnail
රාජාංගනේ හිමිට වැඩ වරදියි - දැන් එයාගේ නම අනුර සුසන්ත ද සිල්වා
18:13
Video thumbnail
ඇමති නලින්ද හා මාධ්‍යවේදියා ඇවිලෙයි - සුපිරි ජාවාරම නිසා කැබිනෙට්ටුව උණුසුම් වෙයි
02:42
Video thumbnail
පුටුවෙන් ඡන්දේ ඉල්ලනවා කියලා මගේ නම දාලා - මොනවද මේ කැත වැඩ
03:53
Video thumbnail
විමල්ට උත්තර දෙන්න හඳුන් මාධ්‍ය කැඳවයි - ඇමතිට මාධ්‍ය හමුවේ හොඳටම තදවෙයි
17:17
Video thumbnail
මහ ඇමති කරපු දේ එළියට ආපු හැටි - අකුරක් නෑර මෙන්න හැමදේම එක පෙළට
04:29
Video thumbnail
සම්බාධක ගැන කැබිනට් ප්‍රකාශක කට අරියි
03:40
<p>?</p>