මට්ටක්කුලිය ප්රදේශයේ දී පසුගිය අගෝස්තු 08 වනදා ඝාතනයට ලක්වූ රණවක ආරච්චිගේ අසිත මදුරංග පෙරේරා නොහොත් ‘අලිවත්තේ අසිත’ නැමැත්තාගේ ඝාතනය සඳහා අපරාධකරුවන් පැමිණි යතුරුපැදිය සමඟ පුද්ගලයින් තිදෙනෙකු අත්අඩංගුවට ගෙන තිබෙනවා.
පොලිස් විශේෂ කාර්ය බලකායට ලද තොරතුරක් මත මට්ටක්කුලිය ප්රදේශයේ ඊයේ (21) සිදුකළ වටලිමක දී මෙම සැකකරුවන් තිදෙනා අත්අඩංගුවට ගැනීමට හැකි වූ බවයි විශේෂ කාර්ය බලකාය සඳහන් කළේ.
මෙලෙස අත්අඩංගුවට පත්ව ඇත්තේ ප්රබල මත්ද්රව්ය ජාරම්කරුවන් වන දැනට ඩුබායිහි සැඟව සිටින කසුන් නැමති මත්ද්රව්ය ජාවරම්කරු සහ රූබන් නැමැත්තාගේ ගෝලයන් තිදෙනෙකු බවට හඳුනාගෙන තිබෙනවා.
කසුන් නැමැත්තා සහ රූබන් නැමති මත්ද්රව්ය ජාවරම්කරුවන් විසින් දුරකථන මාර්ගයෙන් මෙම යතුරුපැදිය කොටස්කර විකිණීම සදහා ඔවුන්ට උපදෙස් ලබා දී ඇති බවටයි විමර්ශන වලදී අනාවරණය වී ඇත්තේ.
අත්අඩංගුවට ගත සැකකරුවන් කොළඹ 14,ප්රදේශයේ පදිංචි වයස අවුරුදු 31, 28 සහ 44 යන වයස්වල පසුවන්නන් බව සඳහන්.
මොවුන් වැඩිදුර පරීක්ෂණ සඳහා මට්ටක්කුලිය පොලිස් ස්ථාන වෙත භාර දී තිබෙනවා.
