ආරක්ෂක පර්යේෂකයන්ට අනුව, Volt Typhoon ලෙස හැඳින්වෙන රාජ්ය අනුග්රහය ලබන චීන හැකර් කණ්ඩායමක් ඇමරිකානු සහ ඉන්දියානු අන්තර්ජාල සමාගම් හැක් කිරීම සඳහා කැලිෆෝනියාවේ සේවා සපයන්නෙකුගේ ඇති දෝෂයක් (BUG) යොදා ගෙන ඇතැයි අනාවරණ වී තිබෙනවා.
එක්සත් ජනපද සමාගම් හතරක් සහ ඉන්දියාවේ අන්තර්ජාල සේවා සපයන සමාගමකට සේවා සපයන Versa Networks සේවාදායක නිෂ්පාදනයක් තුළ ඇති බග් එකක් Volt Typhoon හැකර් කණ්ඩායම යොදා ගෙන තිබෙනවා.
මෙම හෙළිදරව්ව සයිබර් ප්රහාර සඳහා එක්සත් ජනපදයේ තීරනාත්මක යටිතල ව්යුහයේ ඇති සංවේදීතාව පිළිබඳ කනස්සල්ලට එක් කරනු ඇති.
තායිවානය ආක්රමණයක් වැනි අනාගත අර්බුදයක දී බාධා ඇති කිරීම සඳහා රටේ සමහර ජල පහසුකම්, විදුලිබල ජාලය සහ සන්නිවේදන අංශ ඇතුළුව තීරණාත්මක එක්සත් ජනපද සේවාවන් ක්රියාත්මක කරන ජාල වෙත වෝල්ට් ටයිෆූන් ආක්රමණය කළ බවටයි එක්සත් ජනපදය මේ වසරේ චෝදනා කළේ.
