පවතින අයහපත් කාලගුණ තත්වය හේතුවෙන් අනුරාධපුරය දිස්ත්රික්කය තුළ ඇති වී තිබෙන බලපෑම පිළිබඳව හදිසි සාකච්ඡාවක් වෙළෙඳ, වාණිජ, ආහාර, සුරක්ෂිතතා සහ සමුපකාර අමාත්ය වසන්ත සමරසිංහගේ ප්රධානත්වයෙන් අද (27) දින අනුරාධපුර දිස්ත්රික් ලේකම් කාර්යාලයේදී පැවැත්වුණා.
මේ සඳහා අනුරාධපුර දිස්ත්රික් ලේකම්වරයා, ආරක්ෂක අංශ සහ රජයේ ආයතනයන්හි නිලධාරීන් සහභාගී වූ අතර Zoom තාක්ෂණය ඔස්සේ ප්රාදේශීය ලේකම්වරුන් සම්බන්ධ වූ අතර දිස්ත්රික්කය තුළ ඒ ඒ ප්රදේශයන් හි ඇති වී තිබෙන ආපදා තත්වයන් කළමණාකරණය සඳහා ඉතා ඉක්මනින් මැදිහත් වීම් සිදු කිරීමට අදාල කටයුතු මෙහිදී සිදු කෙරුණා.
ගංවතුර තත්වයන් නිසා ප්රදේශයන් අතර පවතින සබඳතාවයන් ගිලිහී යාම, විදුලිය බිඳ වැටීම, දුරකතන අවහිරතා, ආහාර සැපයීම්, මුදා ගැනීම් කටයුතු වැනි කඩිනම් අවශ්යතාවයන් වෙනුවෙන් ක්ෂණික මැදිහත්වීම් සිදු කිරීමටත් ඒ සඳහා ආරක්ෂක අංශ සහාය ඇතිව බෝට්ටු, ට්රැක්ටර්, හෙලිකොප්ටර් යානා යොදවා ඇති අතර ඉදිරියේ ආපදා තත්වයන් ඇති විය හැකි ප්රදේශ පිළිබඳව අවධානය යොමු කර පූර්ව ආරක්ෂක ක්රම අනුගමනය කිරීමටත් කටයුතු කරනු ලැබුවා.
