අධිකරණයට කළු පැල්ලමක් එක් කළ දූෂිත නඩු තීන්දුවක් ගැන හෙලිදරව්වක්

පසුගිය යහපාලන සමයේ දී ස්වාධීන අධිකරණ පද්ධතියක සිදු විය නොහැකි ආකාරයේ ක්‍රියාකාරකම් සිදු වූ බව පාර්ලිමේන්තු මන්ත්‍රී නීතිඥ සාගර කාරියවසම් පවසනවා.

ඒ (10) පැවති පාර්ලිමේන්තු විවාදයට එක්වෙමින්.

යහපාලන රජය යටතේ එවක පාර්ලිමේන්තු මන්ත්‍රී ධුරයේ කටයුතු කරනු ලැබූ මන්ත්‍රීවරයෙකු විසින් අධිකරණ විනිශ්චයකාරවරියක් සමග සමීපව කටයුතු කරමින්, නිවාස සංවර්ධන අධිකාරියේ වත්මන් සභාපති සහ හිටපු පාර්ලිමේන්තු මන්ත්‍රී දුමින්ද සිල්වා මහතා සිරගත කිරීමට කුමන්ත්‍රණය කළ ආකාරය මුළු රටටම මේ වනවිට හෙළි වී ඇති බවයි පාර්ලිමේන්තු මන්ත්‍රීවරයා මෙහිදී සඳහන් කළේ.

පවතින නඩුවක් සම්බන්ධයෙන් දූරකථන මාර්ගයෙන් තීන්දු තීරණ පිළිබඳ සාකච්ඡා කිරීම ම අධිකරණ ඉතිහාසයේ සිදු වූ දරුණු කළු පැල්ලමක් බව ද මන්ත්‍රී සාගර කාරියවසම් වැඩිදුරටත් පෙන්වා දුන්නා.