ඊයේ (05) මධ්‍යම රාත්‍රියේ සිට ගෑස් මිල ඉහළ දැමීමට ගනු ලැබූ තීරණයත් සමඟ ෆ්‍රයිඩ් රයිස් රයිස්, කොත්තු, බත්, පරාටා, බිත්තර රොටී ඇතුළු කෙටි කෑමවල මිල ගණන් ඉහළ යන බව ආපනශාලා හිමියන්ගේ සංගමය සඳහන් කළා.
ඊට අමතරව කිරි තේ සහ ප්ලේන්ටියන මිල ද මේ සමඟ ඉහළ දැමීමට කටයුතු කරන බවයි එම සංගමයේ සභාපති හර්ෂණ රුක්ෂාන් පැවසුවේ.
ඒ, අනුව මිල වැඩිකරන ප්‍රමාණය අද (06) දිනය තුළ ප්‍රකාශයට පත්කරන බවයි දසත නිවුස් සිදුකළ විමසීමක දී ඔහු සඳහන් කළා.
ඊයේ (05) මධ්‍යම රාත්‍රියේ සිට ක්‍රියාත්මකවන පරිදි කිලෝග්‍රෑම් 12.5 ලාෆ් ගෘහස්ථ ගෑස් සිලින්ඩරයක මිල රුපියල් 775කින් ඉහළ දැමුණු අතර, එහි නව මිල වන්නේ රුපියල් 4,765ක්.
එමෙන්ම ලාෆ්ස් ගෑස් මිලද ඉහළ දැමූ අතර, එම සමාගමේ කිලෝග්‍රෑම් 12.5 ගෑස් සිලින්ඩරයක මිල රුපියල් 1070කින් මිල ඉහල දමනු ලැබුවා.
ඒ, අනුව ලාෆ්ස් ගෑස් කිලෝග්‍රෑම් 12.5 ගෑස් සිලින්ඩරය නව මිල වන්නේ රුපියල් 5,700ක්.
