හෙට හර්තාලයට එක පාරට යට ඇඳුම් කතාවක් ආවේ කොහොමද කියලා සමහරුන්ට ප්‍රශ්ණයක් ඇති.හෙට රට පුරාම හර්තාලයක් දියත් කරලා තියෙනවා. හැබැයි හෙට දවස ලෝක කැලැන්ඩරයේ දැක්වෙන්නේ International No Pants Day කියලා. ඇමරිකාවේ Texas විශ්ව විද්‍යාලයේ සිසුන් පිරිසක් සෑම මැයි මාසයේ පළමු සිකුරාදා කලිසම දැමීමෙන් වැලකී ඉන්න තීරණය කරනවා. ඔවුන් ඉන් සංකේතවත් කෙරුණේ ඔවුගේ සෙමෙස්ටර් එකක් අවසන් බවයි.
මෙය ඔවුන් හාස්‍ය මුසු කරමින් ඉදිරිපත් කළ අතර වසර ගණනාවක් තිස්සේ මෙය සම්ප්‍රදායක් ලෙස සිදු වුණා. මෙය 2000 වර්ෂයේ සිට විධිමත් දින සැමරුමක් ලෙස ආරම්භ වුණා. පසුව මේ දිනය ඇමරිකාවේ අනෙකුත් ප්‍රාන්තවල සහ කැනඩාවේ ප්‍රදේශ කිහිපයක මෙන්ම ප්‍රංශය, ස්වීඩනය, ඕස්ට්‍රේලියාව, ෆින්ලන්තය සහ බ්‍රිතාන්‍යයේ පුරා විසිර ගියා. කොහොම වුණත් මේ හැමදේම එක්ක අරගලයේ ඉන්න අය මේ වෙද්දි කරන්න යන වැඩක් ගැන මුහුණුපොත පුරාම පැතිර යනවා. ඒ සියළු තරුණ විරෝධතාකරුවන් පාර්ලිමේන්තුව අසල පොලිස් මාර්ග බාධකවල යට ඇඳුම් එල්ලීමට සූදානම් වෙමු යන්න සඳහන් කරමින්.
