දැඩි අසනීප තත්ත්වයෙන් පෙලුණු ශුද්ධෝත්තම ෆ්‍රැන්සිස් පාප් වහන්සේගේ දේහයට මෙරට අගරදගුරු අති උතුම් කාදිනල් මැල්කම් රංජිත් හිමිපාණන් අද (24) දිනයේ දී අවසන් ගෞරවාචාර පුද කර සිටියා.
ඒ රෝමයේ – වතිකානයේ පිහිටි ශාන්ත පීතර බැසිලිකා දේවස්ථානයේ දීයි.
මේ අතර ස්වර්ගස්ථ වූ 88 හැවිරිදි ෆ්‍රැන්සිස් පාප් වහන්සේගේ අවමංග්‍යල කටයුතු කතෝලික ආගමේ චාරිත්‍රානුකූල ව හෙට (25) රාත්‍රී 08ට ශාන්ත බැසිලිකාවේ පැවැත්වෙන පූජනීය උත්සවයක දී මිනීපෙට්ටියට මුද්‍රා තැබෙනු ඇති.
පාප් වහන්සේගේ අවමංගල්‍යය උත්සවයට පෙර, ශුද්ධ වූ රෝම පල්ලියේ කැමර්ලෙන්ගෝ කාදිනල් කෙවින් ෆැරල්, අභාවප්‍රාප්ත ෆ්‍රැන්සිස් පාප් වහන්සේගේ මිනී පෙට්ටිය මුද්‍රා තැබීමේ චාරිත්‍රයේ මුලසුන හොබවනවා.
මෙම පූජනීය උත්සවයට කාර්දිනල්වරුන් සහ ශුද්ධාසනයේ නිලධාරීන් කිහිප දෙනෙකු සහභාගී වනු ඇති.
දස දහස් ගණනක් ජනයා ස්වර්ගස්ථ වූ පාප් වහන්සේට ගෞරව දැක්වීමට තවමත් දිගු පෝලිම්වල රැඳී සිටිනවා.
