පහසු ගෙවීම් ක්රමයට නිවාස ඉදිකර දෙන බවට පවසා පුද්ගලික ආයතනයක් මඟින් මුදල් ලබා ගෙන එම නිවාස ඉදිකර නොදී මුදල් වංචා කිරීමක් සම්බන්ධයෙන් මිරිහාන විශේෂ අපරාධ විමර්ශන අංශය වෙත ලැබී තිබූ පැමිණිලි 245 ක් මත එම අංශය විසින් විර්මශනයක් ආරම්භ කර තිබුණා.
ඒ අනුව 2026.07.28 දින මෙම අපරාධයට සම්බන්ධ එම පුද්ගලික ආයතනයේ අධ්යක්ෂකවරයෙකු අත්අඩංගුවට ගෙන නුගේගොඩ මහේස්ත්රාත් අධිකරණයට ඉදිරිපත් කිරීමෙන් පසු රක්ෂිත බන්ධනාගාර ගත කරනු ලැබුවා.
මෙම ආයතනයේ ප්රධාන අලෙවි කළමණාකරු වශයෙන් හා මෙහෙයුම් නිලධාරී වශයෙන් කටයුතු කළ සැකකාරියන් දෙදෙනෙකු මෙම මුදල් වංචාවට අධාර අනුබල දීමේ වරදට පෙරේදා (17) දින අත්අඩංගුවට ගෙන තිබෙනවා.
මෙතෙක් සිදු කරන ලද විමර්ශනයේදී අනාවරණය වූ තොරතුරු මත සැකකාරියන් සතුව තිබූ කාර් රථ 04 ක්ද පොලිස් භාරයට ගෙන ඇති බවයි පොලිසිය සඳහන් කළේ.
මෙලෙස අත්අඩංගුවට ගෙන ඇත්තේ වයස අවුරුදු 30 හා 31 හැවිරිදි, කහවත්ත හා කඩුවෙල ප්රදේශවල පදිංචිකාරියන් දෙදෙනෙක්.
සැකකාරියන් ඊයේ (18) දින නුගේගොඩ මහේස්ත්රාත් අධිකරණය වෙත ඉදිරිපත් කිරීමෙන් පසු ලබන 29 වන දින දක්වා රක්ෂිත බන්ධනාගාර ගත කරනු ලැබුවා.
