විදේශ සේවා නියුක්ති කාර්යාංශය විසින් නිකුත් කළ කම්කරු බලපත්‍රය අවභාවිතා කරමින් මුදල් වංචා කළ විදේශ රැකිය නියෝජිත ආයතන හිමිකරුවෙක් අත්අඩංගුවට ගෙන තිබේ.
එම පුද්ගලයාව කුරුණෑගල මහෙස්ත්‍රාත් අධිකරණයට ඉදිරිපත් කිරීමෙන් අනතුරුව දෙසැම්බර් මස 15 වන දින දක්වා රක්ෂිත බන්ධනාගාර ගතකර ඇති අතර විදේශ ගමන් තහනමක්ද පනවා ඇත.
එම නියෝජිත ආයතන හිමියා තම කම්කරු බලපත්‍රය ඇටෝනි බලපත්‍රයක් මගින් වෙනත් බාහිර පුද්ගලයෙකුට පවරා ඇති තිබේ.
වෙනත් බාහිර පුද්ගලයෙකු යොදවා විදේශ රැකියා ලබාදෙන බව පවසමින් තරුණ තරුණියන්ගෙන් රුපියල් හැට ලක්ෂයකට අධික මුදලක් අදාළ සැකකරු විසින් ලබාගෙන තිබේ.
මුදල් ගෙවූ පුද්ගලයින් විදේශගත නොකිරීම හේතුවෙන් මේ පිළිබඳව විදේශ සේවා නියුක්ති කාර්යාංශයට පැමිණිලි කර ඇති අතර, මේ වන විට පැමිණිලි 41ක් අදාළ සැකකරුට එරෙහිව ලැබී ඇත.
පසුව විදේශ සේවා නියුක්ති කාර්යාංශයේ විශේෂ විමර්ශන අංශයේ නිලධාරීන් අදාළ සැකකරුව අත්අඩංගුවට ගෙන අධිකරණය හමුවට යොමුකර තිබේ.
