අලුත් අවුරුදු සමයේ මගීන්ගෙන් නියමිත ගාස්තුව ඉක්මවා අධික ලෙස මුදල් අය කළ බස් රථ 80කට දඩ නියම කිරීමට ජාතික ගමනාගමන කොමිෂන් සභාව කටයුතු කර තිබෙනවා.
පසුගිය 08 වනදා සිට ඊයේ (18) දිනය දක්වා සිදුකළ පරීක්ෂා කිරීම්වල දී එම බස්රථ හඳුනා ගත බවත්, බස්රථ 680ක් පරීක්ෂා කිරීම්වලට ලක්කර බවයි එහි ජංගම බස් රථ පරීක්ෂණ ඒකකයේ ප්රධානී රෝහණ වත්තගේ පැවසුවේ.
කොළඹට ඇතුළු වන ප්රධාන මාර්ග 04 ආවරණය වන ලෙස පැය 24 පුරා ක්රියාත්මක වන පරිදි ජංගම පරීක්ෂක කණ්ඩායම් විසින් විශේෂ අවුරුදු සේවාවල යෙදෙන අන්තර් පළාත් පෞද්ගලික බස් රථ මෙලෙස අහඹු ලෙස පරීක්ෂා කර තිබෙනවා.
විශේෂයෙන්ම අධික ගාස්තු අයකරන ලද බස් රථ හසුවුවහොත් එම අවස්ථාවේදීම මගීන්ගෙන් වැඩිපුර අයකළ මුදල් ආපසු මගීන්ට ලබාදීමට කටයුතු කළ බවයි ඔහු වැඩිදුරටත් පැවසුවේ.
